Menu

Frimærkinik saqqummiussineq maajip 15-iat 2017

15/05/2017 - 14:50
POST Greenland udgiver i dag helt nye frimærker

Saqqummiussat frimærkinik arfineq pingasunik, arkinik mikisunik pingasunik, arkinik mikisuaqqanik marlunnik, frimærkinut mappersakkamik ataatsimik, tammajuitsussatut mappimik kiisalu ullormi saqqummiussiffimmi naqitanik ilaqarput. Frimærkini sammisat assigiinngitsunik sammisaqarfiupput, Kalaallit Nunaanni kulturikkut oqaluttuarisaanermik aamma ullutsinni pisunik sammisaqarfiullutik. 

EUROPA - illussaarsuit, Stationit avinngarusimasumiittut, Aningaasatoqqat aamma najukkani atortussat kusanartuliat 

Buuti Pederseni 1995-imiilli POST Greenlandimik frimærkiliuussisalerpoq. Taamaalilluni taanna 2017-imi EUROPA-frimærkiliatsinnik marlunnik suliaqartuuvoq. PostEurop-imi ataatsimoorussamik sammisaq tassaavoq: Illussaarsuit. Buutip suliassaq tamanna eqqumiitsuliornikkut Kalaallit Nunaannut atassuserlugu qanoq naammassineraa frimærkit taakku atorlugit saqqummiutissallugu qilanaaraarput. Taakku arkinut ilivitsunngorlugit aamma nipitittaganngorlugit arkit mikisunngorlugit, kiisalu mappersakkanut nipitittaganngorlugit saqqummiunneqassapput. 

”Stationit avinngarusimasumiittut” nangeqattaartumik saqqummiussassanut nutaanut qulequtsiussaavoq, Kalaallit Nunaanni sumiiffinni avinngarusimasumiittuni assigiinngitsuni stationit ullumikkut oqaluttuassartaannik samminniffiulluni. Stationit avinngarusimasumiittut oqaluttuassartaat frimærkitigut oqaluttuariniarlugit ilaatigut Nunatta Katersugaasivia Allagaateqarfialu aamma eqqumiitsuliortut arlallit suleqatigaavut. Frimærkit arkinut ilivitsunngorlugit saqqummiunneqassapput, offsetimillu naqinneqarlutik.

Nangeqattaartumik saqqummiunneqartartussaq alla tassaavoq ”Aningaasatoqqat”. 1900-kkut aallartisimalerneranni KGHmi, Kongelige Grønlandske Handelimi, aningaasat immikkuullarissut atorneqarput. Taakku stentryk atorlugu suliarineqartarput, aammalu Kalaallit Nunaanni niuertoqarfinni atorneqarsinnaanikuullutik. Bertil Skov Jørgensen eqqumiitsuliortuvoq taakkuninnga titartaallunilu kigartuisoq. Frimærkit offsetimik lasergravuremillu naqitaapput, arkinullu ilivitsunut mikisunullu suliaralugit saqqummiunneqassallutik. 

Ukioq manna Sepac-frimærki sammisaq ”Najukkami atortussat kusanartuliat” malillugu saqqummiunneqassaaq. Europami allakkeriviit mikisut suleqatigiiffianni ilaasortat 13-it tamarmik frimærkinik nangeqattaartumik saqqummiussassanik taakkuninnga 2017-imi saqqummiussissallutik aalajangiuppaat –  ataatsimoorussamik sammisamut tassunga. Uagut Sepac-frimærkerput puisip amianik kavaajaq arkitut ilivitsutut saqqummiunneqassaaq, aammalu offsetimik naqinneqassalluni. 

Kunngikkormiut ukiut 50-inngorlugit katiffissiornerat 

Kunngikkormiut aappariit nuannaringaakkavut junnip qulingani 2017-imi ukiut 50-inngorlugit katiffissiussapput. POST Greenlandip, Posta Faroe Islandip aamma PostNord Danmarkip kunngikkormiut ukiut 50-nngorlugit katiffissiornissaannut atatillugu Naalagaaffeqatigiittut ataatsimoorussamik saqqummiussinikkut malunnartinniarsinnaagamikku nuannaarutigaat. Allakkeriviit taakku pingasut tamarmik taamaalillutik kunngikkormiut assingi kusanartut mikisunik arkinngorlugit saqqummersissavaat. Arkit mikisut Torben Eskerodip assilisaa malillugu eqqumiitsuliortumit Jakob Monefeldtimit suliaapput.

POST Greenlandip frimærki 20-nik mærkitalimmik ilivitsumik arkinngorlugu, kiisalu tammajuitsussatut mappimut kusanartumik ilusilerlugu aamma saqqummiutissallugu aalajangiuppaa, atlantikup avannaani suleqatitta Posta Faroe Islandimeersut inussiarnisaarlutik atorsinnaasatsitut mappiliaannut assingusumik mappitalikkatsinnik. 

Frimærkit taakku POST Greenlandip frimærkinik katersuisunut quppersagaani Greenland Collectorimi annertunerusumik paasisaqarfigisinnaaavatit, taanna PDF-formatinngorlugu danskisut, tuluttut aamma tyskisut aaneqarsinnaavoq, uani: www.stamps.gl.

Paasissutissanik arlaqarnerusunik pissarsiniarlutit takuuk  www.stamps.g,l imaluunniit attavigiuk Ineriartortitsinermi aqutsisoq Allan Pertti Frandsen, uunga +45 61393065 imaluunniit uunga apf@telepost.gl.