Menu

Frimærkip nalingata ilassutaa Kofoed Skolemut iluaqutissanngortinneqartussaq

16/10/2017 - 11:09

TELE-POSTip Nuummilu Kofoeds Skolep frimærki frimærkip nalinganut ilassutitalik nuannaarutigeqalugu saqqummiuppaa.

Sinneqartoorutit Nuummi Kofoeds Skolep inuttut ajornartorsiutillit, angerlarsimaffeqanngitsut sivisuumillu suliffeqanngitsut nukittorsarneqarnerinik suliniarneranut tunniunneqassapput.

Frimærki kusanarluinnartoq Miki Jacobsenimit suliarineqarpoq.

Tamanna pillugu pingasunngorneq oktobarip 18-iat 2017, nal. 13 – 14-imut ilassinninnissamut qaaqquneqarpusi.

Ilassinninneq Nuummi Kofoeds Skolep inaani Industrivej 2A-mi ingerlanneqassaaq, tassanilu frimærki takuneqarsinnaassaaq aammalu frimærki pillugu tusagaqarnissaq periarfissaajumaarluni. Sutugassaqarumaapoq.

Frimærkip saqqummiunneqarnera malunnartinniarlugu ilassinninnitsinnut neriuppugut peqataajumaartusi.

 

Allanik paasissutissarserusukkuit attaveqaqatigiinnermut pisortaq Arnakkuluk Jo Kleist, ajk@telepost.gl-imut, tlf. 54 78 54-imut attavigisinnaavat.