Menu

Imaatigut kabeli Aasianni ikkussuunneqarpoq

10/10/2017 - 14:30
TELE-POST-ip imaatigut kabelip Avannaanut tallissutaani suliap immikkoortua kingulleq aallartippaat. 
 
Sapaatiummat unnukkut nal. 20:27 TELE-POST-ip imaatigut kabeliata ilaa avannamukartoq Aasianni ikkussuunneqarluni naammassineqarpoq.
 
Suliaq Greenland Connect North, aasap ukiallu ingerlaneranni akunnerpassuarni suliffiusimasoq maanna naammassiartulerpoq. Sapaatit akunneri tulliit teknikkikkut misileraanerit TELE-POST-ip ilaatigut ingerlatissavai, imaatigut kabelip immikkoortortai assigiinngitsut Nuup eqqaani attavilissavaguttaaq.
 
- Qeqertarsuup Tunuata paavani datat aqqutissaannut maanna attaveqaasiivugut, TELE-POST-ip pisortaanera Kristian Reinert Davidsen oqarpoq.
 
- Sakkortusaavik takineq sakkortunerlu peqatigalugit imaatigut kabelip periarfissaalersissavai internetimi sukkassutsit nutaarluinnaat. Decemberip tungaanut piffissaq pissanganartoq ornipparput, taamanikkussamimi nioqqutit nutaat saqqummiunneqassapput, pisortaaneq naggasiivoq.
 
Allanik paasisaqarumaguit attaveqaqatigiinnermut pisortaq Arnakkuluk Jo Kleist, ajk@telepost.gl-imut, tlf. 54 78 54-imut attavigisinnaavat.