Menu

Innaallagiaarunnerup sullissinerit ajoqusersorpai

18/10/2017 - 15:00

Marlunngornermi oktoberip 18-iani nal. 12.00-p missaaninngaanniit mobilillit sianerniarnerminnik, SMS-erninarnik datanillu ajornartorsiuteqalerput.

Innaallagiaarunnerup sullississutini arlalinni attaveerunneq kinguneraa, pingaartumik mobilillit eqqugaanerullutik.  Internetillit MPLS-illillu annikinnerusumik eqqorneqarput.

- Atortulersuutini Nuummi TELE-POST-ip datacenteriani innaallagissamik pilersuisumi ajoqutinik aaqqiiniarnermut atasumik taamak piniarnani innaallagiaarutsitsisoqartoorpoq. Ulluni kingullerni ajoquteqaqattaarnerit saniatigut atortulersuutinik suliaqarnermut atatillugu suliffitsinni ingerlatseriaatsitsinnik nalilersuissaagut, Teknikkimut IT-mullu pisortaq Jonas Hasselriis oqarpoq.

Sulississutit ilaat atorsinnaanngoqqipput, ajoqutillu kingulliit TELE-POST-ip tekniikeriisa ilungersorlutik aaqqiiviginiarsaraat.