Menu

Interneti kipisaqattaarpoq

09/11/2015 - 14:49

Sapaatip akunnerata naanerani Tele-Post-imik atuisut amerlasuut internetimut attaveeruttaqattaarput. Suleqatigiissitaliat ajornartorsiummik aaqqiiniarput

Arfininngormat akunnerni marlunni internetimut attaveeruttoqarmat Tele-Post-imik atuisut amerlasuut modemiminnik aallartitseqqinniartaraluarsimapput. Aasaanerani sulinngiffeqarnerup kingorna attaveeruttarnermik taamatut ittumik sullitagut aatsaat misigisaqalinngillat.

- Qaammatini kingullerni marlussunni sullitatsinnut ajoraluartumik kingunerluttumik internetip attaveeruttaqattaarnera misigisarparput. Tamanna soorunami ajuusaarutigeqaarput, teknikkimut IT-mullu qullersanngorlaaq Jonas Hasselriis oqarpoq. Internetimik attaveeruttaqattaarnermik aaqqiisussanik immikkut ittumik suleqatigiissitaliorpoq.

- Suleqatigiit atortulersuutitsinnik attaveqaatitsinnillu misissuinissaq suliassaraat aammalu attaveeruttaqattaarnermut pissutaasoq piaarnerpaamik paasiniassallugu. Sullitatta akornusersuinernik misigisaqartarnerat ajuusaarutigaara, internetillu kipisaqattaarunnaarnissaa sapinngisarput tamaat sulissutigissavarput, Jonas Hasselriis naggasiivoq.

Allanik paasisaqarumaguit teknikkimut IT-mullu qullersaq joha@telepostl.gl-ikkut attavigiuk aamma 55 55 62-imut sianerfigisinnaavat aamma/imaluunniit attaveqaqatigiinnermut pisortaq  Ivalo Egede uunga ivalo@telepost.gl-imut attavigisinnaavat aamma 53 07 56-imut sianerfigisinnaallugu.