Menu

Internetip sukkassusia TELE-POST-ip sukkatsisippaa

12/09/2019 - 11:23

Uummannap Upernaviullu illoqarfiini sullitagut internetillit internetimik sukkassusianik 10/2 Mbit-imiit 30/5 Mbit-imut ullumikkuminngaanniit sukkanerulersitsisinnaanngorput.

Tusass Interneteqareersut Tusass.gl-imut iserlutik 30/5 Mbit-inut qaffatsitsisinnaapput aammalu maannakkut Tusass Internetimik nioqqutit 10/2 Mbit-inik aammalu 30/5 Mbit-inik sukkassusillit akiisa akornanni assigiinngissut kisimi akilerneqassaaq.

Taamaattumik Uummannami Upernavimmilu innuttaasut suli interneteqanngitsut Tusass Internetimik pisissagunik 30/5 Mbit-it toqqarnissaannut periarfissaqalerput.

”Uummannap Upernaviullu illoqarfiini innuttaasut Kalaallit Nunaanni illoqarfinni allani aqqaneq marlunni periarfissat assigalugit Tusass Internet atorlugu interneternerminni pitsaanerusumik misigisaqarsinnaanngornerat nuannaarutigaarput. Tusass Internetimik 30/5 Mbit-inik sukkassusilimmik atuisuuffeqarneq atuisunut annertunerusumik atuisuusunut naleqqulluartuuvoq aammalu inoqutigiit ataatsit arlalinnik inuttallit ataatsikkut internetimut attavilersinnaapput sukkassuseq sukkaallisinngikkaluarlugu,” taama oqarpoq TELE-POST-imi Ineriartortitsinermut pisortaq Eyðstein Johannesen.

Tusass internet 30/5 Mbit illoqarfinni ukunani pissarsiarineqarsinnaavoq: Uummannaq, Upernavik, Aasiaat, Ilulissat, Kangerlussuaq, Kangaatsiaq, Maniitsoq, Nanortalik, Narsaq, Nuuk, Qaqortoq, Qasigiannguit, Qeqertarsuaq aammalu Sisimiut.

Paasissutissanik apeqqutissaqaruit attaveqarfissaq aana: Attaveqaqatigiinnermut pisortaq Julie Rademacher, julie@telepost.gl, oqarasuaat: +299 26 35 35.