Menu

Internetti unnuaq qameqqippoq

08/05/2019 - 10:02

Kalaallit Nunaata annersaani unnuaq nal. 01.30-p aamma nal. 06.00-p akornani piffissaq tamangajaat internettip qameqqinnera misigeqqinneqarpoq. Tamanna Canadami attaveqaammik allanngortiterinernik pissuteqarpoq.

Tassa pilersuisorisatta taassuma allanngortiterineri pissutaapput, internettip sapaatip unnuaani aammalu unnuaq qaminnganerinut. TELE-POST-ip nassuerutigaa, attaveqaatini allanngortiterinerit pitsanngorsaanerillu pisariaqartinneqartarnissaat. Tamatuma saniatigut sullitagut eqqorneqarsimassanngikkaluarput, TELE-POST imaatigut kabelimi ajutooruteqarsimanngitsuuppat.

- TELE-POST-ip, taamalu Kalaallit Nunaanni sullitatta, piffissap sivikitsuinnaap iluani ilisimatinneqarnerat imaluunniit siumut ilisimatinneqanngilluinnarnerat akuerisinnaanngikkipput, pilersuisorisatsinnut uparuaatigissavarput. Pilersuisorisarput oqaloqatigalugu aallartipparput, pissutsillu pineqartut sakkortuumik tassani isornartorsiorneqarput, teknikkimut IT-mullu pisortaq Jonas Hasselriis oqarpoq.