Menu

Internettimik ajoqusersuisoqarsinnaanera

26/10/2017 - 13:47

Tallimanngornermi oktobarip 27-at piffissami 10.30-miit 12.30-p tungaanut imaassinnaavoq nunatsinni tamarmi sullitatsinni internetti sukkaannerusoq.

Internettip ajoqusersorneqarsinnaanera imaatigut kabelip tallineqarluni suliarineqarnerani kabelimut pioreersumut ulluni makkunani attaviliinermik pissuteqarpoq.

- Soorunami neriuutigaarput sullitatta suliamik tamatuminnga malugisaqappallaannginnissaat. Suliarujussuup tamatuma akornusiilaarsinnaanera sullitatsinnit paasineqarnissaa neriuutigaarput, naggataatigummi sullitatsinnut amerlanerusunut pitsaanernik attaveqaateqartoqalissammat, Teknikkimut IT-mullu pisortaq Jonas Hasselriis oqarpoq.

Ajoraluartumik suliaq una unnuakkut ingerlassinnaasimanngilarput suliamut annertunerusumut ilaagami.

Soorlu siornatigut tusarliutereeripput, suliap tamatuma Kujataani internetimik atuineq novemberip sisamaata tungaanut sunniuteqarfigisussaavaa.

 

Paasissutissat amerlanerusut pissarsiariniarlugit attaveqaqatigiinnermut pisortaq Arnakkuluk Jo Kleist, ajk@telepost.gl, tlf.: 547854.