Menu

Isortoq aamma Tiilerilaaq attaveqanngillat

09/02/2017 - 10:05

Marlunngornermi februaarip 7-ani 2017, Tunumi Niaqernaartiup (KTYC) eqqaani sakoortusaaviup ilaa attaveeruppoq. Tamanna nunaqarfinnut Isortumut aamma Tiilerilaamut telefoninut nalinginnaasunut, mobilinut, internetimut, radiomut kiisalu TV-mut attaveerunneranik kinguneqarpoq.

Tamatuma saniatigut sinerissami radio kanalit 16 & 27 aamma sunnerneqarput, maannakkut suli misissorneqarpoq Aasiaat radiop isumagisaanut tunngatillugu qanoq annertutigisoq eqqugaasimanersoq.

TELE-POST-ip sulisui ulapipput ajornartorsiut aaqqinniarlugu. Silali pissutaalluni tamanna suli pisinnaasimanngilaq – silalli ajornarunnaarsippagu telefoninut nalinginnaasunut, mobilinut, internetimut, radiomut kiisalu TV-mut attaviit aaqqinniarneqarumaarput.