Menu

Juullimi nuannaarneq siammarterneqarpoq

01/12/2016 - 16:11

Oktobarip qaammataani TELE-POST-ip qarasaasiat mobilillu atornikut suliffeqarfiup sulisuinut tuniniarpai. Aningaasat taakku nunatsinni juullerpalaartitsinernut tapiissutitut atorneqarput.

Qarasaasiat mobilillu AWG2016-imut atukkiussaanikuupput, kingornalu TELE-POST-imut uterteqqitaallutik. Tuniniaaneq 56.200 kr.-inik isertitsissutaavoq, aningaasallu nunatsinni juullilerneranilu ataatsimoorfiusuni aaqqissuussinernut assigiinngitsunut aqqanilinnut agguaanniarlugit TELE-POST aalajangerpoq. Pineqartut tamarmik immikkut 5.000 kr.-inik tunineqarput juullimi nuannisaatigisassaminnik. Tunissuteqarfigineqartut tamamik nuannaaqaat tupaallaatigalugulu aningaasanik ikiorserneqarnertik. 

1.200 kr.-it sinneruttut TELE-POST-ip Aasianni radiolerisuanut Nanna Sandgreenimut tunniunneqarput, taassuma ukiut tamaasa Aasianni innuttaasut akornanni juullip mamartuutaanik katersineq isumagisarpaa, Aasianni utoqqaat illuanni najugalinnut kiisalu siusinaartumik pensionisialinnut innarluutilinnullu agguaanneqartartunik. Ukioq manna puussiat katillutik 165-it agguaanneqarput. 

Sumiiffinni TELE-POST Centerit sulisui juullimi nuannaarnermik siammartereqataapput tigusisussanik toqqaanermikkut. Sulisut aammalu aningaasanik tigusisussat decembarimi nuannisarluarnissaannik kissaappagut.

5.000 kr.-innattut tassaapput:

Juullip komitéa, Upernavik

Katersortarfimmi juullisioqatigiinnissaq, Paamiut

Amarngivat, Tasiilaq

Pilutaq, Nanortalik

Meeqqat orpiliarnissaat, Uummannaq

Meeqqat angerlarsimaffiat Pakkutaq, Maniitsoq

Kalaallit Røde Korsiat, Qaqortoq

Pinaveersaartitsinermut allaffik, Ilulissat

Kalaallit Røde Korsiat, Sisimiut

Nanubørnimi najugallit Juullisiornissaat, Nuuk 

Frelsens Hær, Nuuk

 

Amarngivat, Tasiilaq

 

Frelsens Hær, Nuuk

 

Pinaveersaartitsinermut allaffik, Ilulissat

Juullip komitéa, Upernavik

Meeqqat angerlarsimaffiat Pakkutaq, Maniitsoq

Meeqqat orpiliarnissaat, Uummannaq

Katersortarfimmi juullisioqatigiinnissaq, Paamiut

Uummannaq

Aasiaat