Menu

Juullip frimærkii tipigilluinnartut

05/10/2018 - 09:30

Asasannut ukioq manna juullimut pilluaqqussummik nassiussissamaarpit?

Juullimut pilluaqqussutissatit TELE-POST-ip juullimut frimærkiutaanik nutaanik tipigissunillu nuannerninngortikkit.

Ukioq manna juullimut frimærkit, Ivínguak’ Stork Høeghimit ilusilersorneqartut, siornatigut juullimut frimærkiutigisartakkatsinnit allaanerupput. Tassami siullerpaamik frimærkiliorpugut juullisunnitsunik. Frimærkit pineqartut tipigivillutik kanelisunnitsuullutillu orpiliassarsunnitsuupput.

Juullip frimærkii ark-inngorlugit assigiinnik qulinik frimærkitaqarlutik saqqummissapput. Saqqummiunneqassapput ulloq 22. oktober 2018, ullormiillu tassanngaanniit TELE-POST Centeritsinni tamani pisiarineqarsinnaalissapput. Taamaattoq maannangaaq www.stamps.gl-ikkut pisiarineqarsinnaalereerput.

Allanik paasisaqarumaguit, attavigiuk: frimærkinut pisortaq Allan Pertti Frandsen, apf@telepost.gl, +4561393065.