Menu

Kalaallit meerartaannut 100.000 kronit TELE-POST-ip tunissutigai

08/10/2019 - 15:17
Peqatigiiffimmut Kalaallit Meerartaanut 100.000 kr-nit TELE-POST-ip qulakkeerpai, Ataqqinartorsuup Dronningip imilertakkanik qalipagaanik frimærkiliap tunineqarluarneratigut.

Frimærkip tuniniakkap naligata qaavanut akiliutikkut isertitat 100.000 kr-nit TELE-POST-ip Peqatigiiffik Kalaallit Meerartaannut tunniuteqqammerpai. TELE-POST-imi Frimærkinik nioqquteqarnermi pisortaq Allan Pertti Frandsen ima oparpoq:

”Ataqqinartorsuup Dronningip imilertakkanik qalipakkami ilaat arfineq marluk 2018-imi frimærkitut saqqummersussanngorlugit inussiarnisaarluni tunniuppai. Ataqqinartorsuup eqqumiitsuliaminik frimærkiliagassanngortitsinera ataqqinaataavoq  immikkuullarilluinnartoq. Nuannaarutissallu amerleriarput suliniut kalaallit meerartaannut iluaqutissanngortinneqarmat”. Nangipporlu:

Peeqatigiiffimmut Kalaallit Meerartaannut illersuisuunermigut Ataqqinartorsuup Dronningip nammineerluni kajumissaarutigaa, frimærkimut tassunga immikkut akiliummit isertitassat kattuffinnut ajunngitsuliornissamut siunertalinnut tunniunneqassasut”, Allan Pertti Frandsen oqarpoq.

TELE-POST-ip ilisimatitsissutigaa ukiut tamaasa immikkut akitsuusikkamik frimærkiliortitsisarlutik, Nunatsinni ajunngitsuliornernut kulturilerinermulluunniit siunertalinnut atorneqartussanngortittakkaminik.

Peqatigiiffik Kalaallit Meerartaat aamma nuannaaqaaq, peqatigiiffiullu Kalaallit Meerartaata siulittaasua Kirsten Birsch ima oqaaseqarpoq:

Assorurjussuaq tuppalliutigaarput frimærkip naligisa qaavatigut akiliummit isertitat Kalaallit Nunaanni sulinitsinnut atorneqassasut aalajangertoqarmat. Maanissaaq, Danmarkimisulli, sulivugut, toqqissisimasumik meeraanissaq pitsaasumillu siunissaqarnissaq kalaallit meerartaannut inuusuttortaasalu tamanut atuuteqqullugit. Dronninngip imilertakkanik qalipagaasa ilaat Illoqqortoormiuni, Kalaallit Nunaata kangiata sineriaata ilaani, suliarineqarsimapput. Illoqarfimmi tassani ilaatigut marloriarluta illoqarfimmiut meerartaannut aasaanerani asiarsimaartitsisarnikuuvugut” 

Frimærkit takuneqarlutillu sukumiinerusumik paasisaqarfigineqarsinnaapput uani  www.stamps.gl

Annertunerusumik oqaaseqartitsiniaruit uku attavigikkit:

TELE-POST-imi frimærkimut pisortaq Allan Pertti Frandsen, toqqaannartumik +4561393065

Kirsten Bitsch - www.fgb.dk – bestyrelse@fgb.dk tlf.: +45 35858330