Menu

Kalaallit Nunaata Qeqqani Avannaanilu attaveeruttoortarnerit

21/03/2017 - 19:47

Ullumi Kalaallit Nunaata Qeqqani Avannaanilu sumiiffiit arlallit sivikitsumik attaveeruttoortarnermit eqqugaaqqapput, Akuliarusersuarmi sakkortusaavik ajoquteqarnera pissutigalugu.

Ajoqut TELE-POSTimit sumiissusersineqarpoq, taannalu internettip, oqarasuaatit angallattakkat, oqarasuaatinut angallattakkanut datat, KNR TV-p aamma radiop sivikitsumik attaveeruttooqattaarnerannut pissutaavoq. Ajoqut Akuliarusersuarnut qulimiguulimmik timmisartorluni iluarsineqartussaavoq. Silap ajornera pissutigalugu tamanna maannakkorpiaq pisinnaanngilaq, silali pitsanngorpat ajoqut iluarsineqassalluni.

- Sullitatta attaveeruttooqattaarnernit unammilligassinneqarnerat ajuusaarutigaarput, silallu pitsaanerulernissaa teknikeritta qilanaaraat, taamaalillutik taakku sullitatta attaveqaataasa ajunngitsumik atoqqilernissaat suliarisinnaaniassagamikkit, Teknikkimut IT-mullu pisortaq, Jonas Hasselriis, oqarpoq.


Sumiiffiit eqqugaasut

Nuugaatsiaq, Illorsuit, Ikerasak, Niaqornaq, Qaarsut, Saattut, Ukkusissat, Uummannaq, Ilimanaq, Oqaatsut, Qeqertaq, Saqqaq, Ilulissat, Attu, Iginniarfik, Ikerasaarsuk, Niaqornaarsuk, Kangaatsiaq, Ikamiut, Qasigiannguit, Qeqertarsuaq, Akunnaaq, Kangerluk, Kitsissuarsuit, Aasiaat, Atammik, Napasoq, Kangaamiut, Maniitsoq, Itilleq, Kangerlussuaq, Sarfannguaq, Sisimiut.