Menu

Kunngissaq nulialu ukiut 13-issaat avillugu katiffissiornerannut atatillugu frimærki nunatsinneersoq

17/10/2016 - 10:00

Kunngissaq nulialu ukiut 13-issaat avillugu katiffissiornerannut atatillugu frimærki nunatsinneersoq 

Ullumi ataasinngornermi oktobarip 17-iani frimærki kusanartorsuaq TELE-POST-ip saqqummiuppaa, tassani Kunngissakkut meeraallu sisamaasut kusanaqisunik kalaallisoortut assiliartaapput.

Kalaallit Nunaat kunngikkormiullu kialaartumik sakkortuumillu qileruteqarput. Qilerutit ataqqeqatigiinnerup qilerutigai, kinguaariippassuarnilu tamanna uppernarsarneqartuarpoq.

Kalaallit Nunaanni sumiluunniit kunngikkormiut nuannarineqartaqaat soqutigineqartaqalutillu. Ukiuni kingullerni Kunngissakkut aammalu meeraat  soqutigineqaleriartorsimapput. Kunngissakkut meeraasalu Kalaallit Nunaannik inuiannillu kalaallinik kialaartumik misigissuseqarfiginninnerat takuneqarsinnaavoq. Tamanna kingullermik uppernarsarneqarpoq Kunngissakkut 2014-imi aasakkut Kalaallit Nunaanni angalaneranni.

Taamaattumik frimærki aqqutigalugu Kunngissakkut ukiut 13-issaat avillugu (kobberbrylluppimik taaneqartartoq) ukioq manna novembarip 14-iani katiffissiornissaat TELE-POST-ip malunnartikkumasimavaa. Kunngissakkut kusanaqisunik kalaallisoorlutik assingat assiliisartup Steen Brogaardip, ukiuni arlalissuarni tusaamasanik kunngikkormiunillu assiliisuusimasup, assilisaraa.

Frimærkikkut, helarkitut miniarkitullu suliakkut, TELE-POST-ip Kunngissakkut novembarip 14-iani 2016 ukiut 13-issaat avillugu katiffissiornerannik meeraallu uummammik pisumik pilluaqquai. Kunngissakkut tullianik Kalaallit Nunaannut angalanissaat nuannersumillu takoqqinnissaat qilanaaraarput.

Inussiarnersumik inuulluaqqusilluta 

TELE-POST

Per Svendsen

Allakkerinermut pisortaq 

Frimærki PDF-filinngorlugu miniarkitullu maanga ilanngullugu nassiunneqarpoq.

PDF icon gl_collector_3-16_dansk.pdf

Frimærkit nutaat pillugit annerusumik atuarit www.stamps.gl-imi aammalu  www.facebook.com/stamps.gl-imi.

 

Allanik paasisaqarumaguit www.stamps.gl iserfigiuk imaluunniit attavigiuk frimærkinut pisortaq Allan Pertti Frandsen mobil +45 61393065-imut, apf@telepost.gl, imaluunniit allakkerinermut pisortaq Per Svendsen, mobil +299 556455-imut, psv@telepost.gl.