Menu

Naalakkersuisup Muté B. Egedep TELE-POST-imut pulaarnera

17/02/2017 - 10:15

Pingasunngornermi februaarip 15-iani Attaveqaateqarnermut Naalakkersuisoq TELE-POST-imut pulaarpoq. Pisortaaneq Kristian Reinert Davidsen TELE-POST pillugu siunissamullu pilersaarutit pillugit saqqummiivoq.

- Nunatsinni sumiiffinni assigiinngitsuni innuttaasunik ataatsimeeqateqartarninni ineriartornerup soqutigineqarnera ersarippoq, pingaartumik interneti eqqarsaatigalugu, taamaattumik 2020-p tungaanut pilersaarutit anguniakkallu paasisaqarfiginerat soqutiginarpoq, Naalakkersuisoq Muté B. Egede oqarpoq.

Muté B. Egede suliaqarfiit pingaarnerit, tassaasut internet, telefoneqarneq allakkerinerlu pillugit sulianik saqqummiivigineqarpoq. 

- Namminersorlutik Oqartussanik Naalakkersuisunillu assigiinngitsutigut pitsaasumik oqaloqatigiittarnigut nuannaarutigaagut. Kalaallit Nunaanni paasissutissiisarnermut teknologiip pissanganarluinnartumik inissisimaffigisaani, piginnitsigullu suleqatigiilluarnitta ingerlaqqinnissaa qilanaaraarput, pisortaaneq Kristian Reinert Davidsen oqarpoq.

Allanik paasisaqarumaguit attavigikkit:

TELE-POST-imi attaveqaqatigiinnermut pisortaq Arnakkuluk Jo Kleist, ajk@telepost.gl, 547854.

Naalakkersuisoqarfimmi pisortaq Ruth Lindhardt, rli@nanoq.gl, 483241.