Menu

New Haven-imi ajoqutaasoq maanna aaqqinneqarpoq

04/05/2019 - 13:28

TELE-POST-ip ippassaq nalunaarutigisaatut, kabelimut katersuuik New Havenimiittoq aaqqissuunneqartussaavoq. Ajoqutaasumik aaqqissuussineq unnuaq nal. pingasunut aallartippoq, nunatsinnilu tamangajammi internetti attaveerutsinneqarpoq. Sulineq nalunaaquttap akunnerinik marlunnik sivisussuseqarpoq, tassalu internetti atorsinnaaqqilerpoq ullaassaq nalunaaquttap tallimap missaani.

- Aaqqissuussisorisagut qinnuigaavut, suliarinninnermut piffissaq ippassaq nalunaaruteqarnitsinnut naleqqiullugu pingaarnertut isiginiaqqullugu aammalu sivikinnerpaamiitinniaqqullugu, teknikkimut IT-mullu pisortaq Jonas Hasselriis oqarpoq.  

Internettimik unnuaq ajornartorsiuteqarnermut pissutaavoq TELE-POST-ip pilersuisorisaa, taannami New Haven-imi ajoqutaasumik aaqqissuussisariaqarsimavoq. Suliassamut tassunga pisussaq qanilleriivissoq TELE-POST ilisimatinneqarpoq, tamannalu pillugu pilersuisorisaq oqaloqatigineqarpoq. Taama piffissakitsigisumik nalunaarfigineqarnerup sullitatsinnut eqquinera TELE-POST-ip ajuusaarutigaa.