Menu

Nittartakkat nutaat atuisut pingaartillugit

09/09/2014 - 11:07

Ullumi ataasinngorneq 2. december nittartakkat nutaat nutaanik sullississutitallit, nutartikkanik paasissutissiisartut nutaamillu ilusillit TELE-POST-ip saqqummiutissavai.

Mobilisiassat tulleq internetikkoorlugu pisiariuk
tele.gl–imi nutaami nutaamik webshoppeqarpoq, pisisartugullu tassani telefoninik atortuinillu pisisinnaapput. Taanna nunatsinni pisisartut qangali ujartugarilersimavaat.

Atuisunik Sullissivik pingaartinneqarpoq
Nittartakkatsinni nutaani iluseq atoruminassuserlu pingaartinneqarput. Ilaatigut Atuisunik Sullissivik toqqaannartumik allaqatigineqarsinnaassaaq, saaffiginnittut taamaalillutik pilertortumik akissutisisinnaaqqullugit. Aammattaaq bredbånditaarniartunut ilitsersuuteqalissaaq, pisaarusuttut pisariaqartitsinertik naapertorlugu toqqaasinnaanngorlugit.

”Uanga Tele-ra”-p taarserpaa Bredbåndilinnut isertarfik
”Uanga Tele-ra”-mi TELE-POST-imik atuisut piffissap ingerlanerani neqeroorfigineqarsinnaalissapput atuisuuffigisamik, atuinermik ilanngussatullu isiarisinnaasaminnik takussutissanik. ”Uanga Tele-ra” aallaqqaataani Bredbåndilinnut isertarfimmut taartitut atorallassaaq.

Track & Trace saqqaaniilerpoq
Sullississut Track & Trace post.gl-imiittoq assorsuaq atorneqarpoq. Taamaattumik post.gl-imi aamma stamps.gl-imi ”Track & Trace” aamma nunatta frimærkii nittartakkat saqqaanniilerput. Tassunga inissinnerisigut toorsisaqattaaqqaarnissat pinngitsoorneqassapput atuisullu ujakkatit sukkanerusumik nassaarisinnaanngussavaat.

- Nutaarluinnarmik iluseqalermat atuisut ilaasa aallaqqaataani paasissutissat ujakkatik tammaasassavaat. Atuisunulli Sullissivipput telefonikkut allallutilluunniit saaffiginnittut sullisissallugit piareeqqapput, telemut pisortaq Anders Barslund oqarpoq, taassuma assut pissangagai nittartakkat nutaat qanoq atorneqassanersut qanorlu isumaqarfigineqassanersut.

Nittartakkat nutaat sisamaasut taakku adressii taakkuuginnassapput, tassalu: www.telepost.gl, www.post.gl, www.stamps.gl, www.tele.gl.

 

Allanik paasisaqarusuttunut attavissat:
Anders Barslund
Telemut pisortaq
+299 34 12 55
aba@tele.gl

Sæunn L. Nolsøe
Attaveqaqatigiinnermut qullersaq
+299 34 11 50
sunn@telepost.gl