Menu

Nunatsinni interneti sukkanerpaaq avan-narparterpoq

12/11/2014 - 10:07

Ilulissani aammalu Kangerlussuup mittarfeqarfiani sullitatta nunatsinni interneti sukkanerpaq Mobilt Bredbånd Premium maanna atorsinnaa-lerpaat. Atortunut angallattakkanut attaveqaat 4G/LTE sumiiffinni pineqartuni aamma atorsinnaalerpoq

4G sukkasooq Mobilt Bredbånd Premium maanna Ilulissani aammalu Kangerlussuup mittarfeqarfiani atorsinnaanngorpoq, sullitattalu paasissutissanut 20 GB-it, 20 mbit/s-it aallernermut aammalu 5 mbit/s-it nassiussinernut qaammammut 999 kr.-neerlutik atorsinnaanngorpaat.

- Nunatsinni interneti sukkanerpaaq manna tikillugu Nuummi, Sisimiuni aamma Qaqortumi taamaallaat atorneqarsinnaasimavoq, taamaammat nunatsinni mittarfimmi annerpaami aamma Ilulissani pitsaanerusumik attaveqarneq atulersissinnaagatsigu nuannaarutigeqaarput. Ukioq manna naatinnagu 4G-mut attavik Maniitsumi aamma ammassavarput, innuttaasunut kiffartuussiviup qullersaa Per Svendsen nassuiaavoq.

Atortuni angallattakkani 4G

Ilulissani aammalu Kangerlussuup mittarfeqarfiani sullitagut Mobil Mikisumik, Mobil Akullermik aammalu Mobil Angisuumik atuisut mobiltelefoniminni, tabletiminni aammalu dongleminni 4G aamma atorsinnaalissavaat. Sullitatta SIM-kortii 4G-mik atuisinnaanersut imaluunniit najukkaminni TELE-POST Centerimut SIM-kortimik nutaamik tunineqarnissartik pillugu aallissanersut, TELE-POST-ip sullitat SMS-imik nassiussiviginiarpai. Mobiltelefonit 4G-mik atuisinnaasut allattorsimaffiat uani takuneqarsinnaavoq: http://www.tele.gl/4g-mik-atuisuusinnaasut

Atortuni angallattakkani 4G-mut tunngasut pillugit uani atuarit: http://www.tele.gl/mobilinut-atuisugut-4g-lte-mik-atuisinnaanngorput

Allanik paasisaqarumaguit inussiarnersumik qinnuigaatsigit innuttaasunut kiffartuussivimmi qullersaq Per Svendsen psv@telepost.gl-ikkut imaluunniit 556455-imut attavigeqqullugu aamma/imaluunniit attaveqaqatigiinnermut pisortaq Ivalo Egede ivalo@telepost.gl-imut imaluunniit 530756-imut attavigeqqullugu.