Menu

Pilersaarutaasumik attaveerutsitsinissaq

18/11/2016 - 16:07

Nuummi attaveqaatini pisariaqartumik pitsanngorsaanissaq pissutigalugu ataasinngornermi novembarip 21-ata unnuaani TELE-POST-ip kiffartuussissutaasa ilai pilersaarutaasumik attaverutsinneqassapput.

Ataasinngornerujartornerata unnuaani nunatsinni tamarmi nal. 01:00 aamma 04:00-ip akornani kiffartuussissutini ukunani qamittoqallattaassaaq:

Bredbåndimut/ADSL-imut attaviit tamarmik 

Mobiltelefoninut attaviit; Tusass, GSM aamma mobildata

Iserfik-oqarasuaatinik atuisut tamarmik 

MPLS Internet aamma VPN

Oqarasuaatit naliginnaasut eqqorneqassanngillat.

"Attaveqaatitsinnut qitiusumik atorissaarutitigut inissisimasumi software-usumi kiffartuussissutinik assigiinngitsunik ingerlatitsisuusumi ajoqutaasoq pilersuisorisarput peqatigalugu paasivarput. Tamatuma kinguneraa ataasinngorpat allatut ajornartumik attaveerutsitsisariaqarnerput, aamma siunissami kiffartuussissutini taakkunani sullitatta atugaannik ajortittoqaqattaartoqannginnissaa qulakkeerumagatsigu", TELE-POST-imi IT-mut aqutsisoq Emil Kleemann oqarpoq.