Menu

Poortukkat annerit akikinnerusumik nassiutikkit

12/12/2016 - 10:00

2017-imi januaarip 23-at aallarnerfigalugu TELE-POST-ikkoorlugu poortukkanik nassiussinernut akit allanngortinneqarlutillu piuminarsarneqassapput.

Ukiumi nutaami poortukkanik angisuunik nassiussineq akikinnerulissaaq. Poortukkanik Kalaallit Nunaanneersunik, Kalaallit Nunaata iluani aammalu avammut nassiussanut akit assigiissaarneqassapput, taamaalilluni apeqqutaarujussuarunnaassaaq poortugaativit qanoq oqimaatsiginera.  

Allannguutit kingunerissavaat, poortukkanik Kalaallit Nunaanni nassiussinermi poortukkanut 0-50 kg-nut oqimaassusilinnut tamanut akip tunngaviusup 91 kr.-nngornissaa, ullumikkummi aki tunngaviusoq poortukkap oqimaassusaanut naleqqiullugu allanngortarmat. Nunanut allanut poortukkanik nassiussinernut aamma taamatut allannguuteqartoqassaaq. 

Allakkanut B-nut (umiarsuakkoortitanut) akit allanngussanngillat, allakkanulli A-nut (timmisartukkoortitanut) akit allannguuteqarput. 

Akit nutaat allattorsimaffiat uani takuneqarsinnaavoq: Akit nutaat 2017

Allanik paasisaqarumagaanni attavissaq: Attaveqaqatigiinnermut pisortaq Arnakkuluk Jo Kleist, ajk@telepost.gl, 54 78 54.