Menu

Qaammataasamik taarsiinissaq pillugu naqqiuteqarneq

03/09/2017 - 17:00

Ataasinngorpat septembarip sisamaani TELE-POSTip qaammataasamik taarsiinissaani najugaqarfiit sorliit sunnerneqarnissaannut tunngatillugu naqqiuteqarneq.

Tallimanngornermi septembarip aallaqqaataani TELE-POST qaammataasamik taarsiinissaq pillugu tusagassiuutinut ajuusaarnaraluartumik kukkusumik nalunaaruteqarpoq. Tassani atuarneqarsinnaavoq Kitaani Tunumilu najugaqarfiit qulit kiisalu nunaatillit qaammataasakkut attavillit sapaatip akunnerata tullianiit qaammataasap atortuinik pitsanngorsaavigineqassasut.

Intelsat-imut atortumik pitsanngorsaaneq sumiiffinni tallimani aallaqqaammut malugineqarsinnaassaaq.

Tassa tassaagallassapput Qaanaami, Pituffimmi, Savissivimmi, Upernavik Kujallermi, Nerlerit Inaanni, kiisalu Kujataani asimi nunaatillit TELE-POST-imit sullinneqartut atortumik nutaamik Intelsat 35e-mit iluaquserneqartussat.

Upernavimmi, Ittoqqortoormiini aammalu Tasiilami qaammataasakkut attaviit tusagassiuutini taaneqartut eqqarsaatigigaanni, taakkunani sullitatsinnut pitsanngoriaat TV-kkut attaviata pitsanngorneratigut malugineqarsinnaassaaq. 
 
Allanik paasissutissarserusukkuit attavigiuk: Attaveqaqatigiinnermut pisortaq Arnakkuluk Jo Kleist, ajk@telepost.gl, 54 78 54.