Menu

Qaqortumi TELE-POST Centeri nutaaq

26/03/2018 - 13:00

TELE-POST-ip Qaqortumi pisiniarfik nutartigaq atoqqaarfissiorteqqammerpaa. Ullormi ammaanersiorfimmeersut assit takukkit.

Qaammataalunni sananera pissutigalugu tukariarluta, tallimanngormat matut ammarpagut, sullitagullu taligut siaarlugit tikilluaqqullugit, soorlu ilusilersornerani suliassallu pilersaarusiornerani tamanna siunertarineqartoq.

- Qaqortumi TELE-POST Centerimi sulisut ilungersorlutik ammarnissaata tungaanut sulisimapput, ilungersornerullu imminut akilersimanera takusinnaallugu tamatsinnut qujanaqaaq, allakkeriveqarnermut pisortaq Per Svendsen oqarpoq.

- Allannguineq tamanna neriuutigaarput isumaqarlutalu sullitatta tigulluassagaat, soorlumi Ilulissani, Aasianni aammalu Kangerlussuarmi taamatut pisoqarsimasoq, Per Svendsen naggasiivoq.

TELE-POST Centerit nutaat telefoneqarnermik internetimullu nioqqutinik aammalu sullitanut atortulersuutinik nutaanik tuniniagaqartuupput, taamaalillutik sullitat pisariitsumik allakkanik poortukkanillu nassiussillutillu aallersinnaaqqullugit.

 

Allanik paasisaqarumaguit attavigiuk Attaveqaqatigiinnermut pisortaq Arnakkuluk Jo Kleist, ajk@telepost.gl, tlf. 54 78 54.