Menu

Qulimiguulik radiukkut atassuteqaateqarfimmut ajutooqqasumut ingerlavoq

28/12/2015 - 10:25

Attup Uummannaani radiokkut atassuteqaateqarfiup sarfaaruttoornerata nassataanik Attup Nuugaatsiallu akornanni suli attaveqaatit tamarmik ajutooqqapput. Ajornartorsiulli aaqqinneqangajalerunarpoq, qulimiguulik teknikerinik ilaasulik Ilulissaniit nal. 10.00 aallarpoq, Attullu Uummannaanut pilersaarutit malillugit nal. 11.30 apuutissaaq.

Teknikkikkut ingerlatsinermut pisortaq Kim Hammond Zinck nassuiaavoq:
- Sarfaaruttoornerup kinguneranik piffimmi tassanerpiaq nakkutilliissutigut aamma eqqugaammata, suli nalugallarparput radiukkut atassuteqaateqarfik qanoq eqqugaatigisimanersoq. Ajornartorsiullu aaqqissappat teknikerit tassunga apuunnissaat pisariaqarluinnarpoq.

Sarfaaruttoornerup nassataanik atuisut Aasiaat kujataani Attup aammalu Uummannap avannaani Nuugaatsiap akornanni najugallit ukunannga atuisinnaanngillat 2G, 3G, 4G, bredbånd, radio aamma TV. Aamma sinerissami umiarsuarnut radio timmisarunullu radio aamma eqqugaapput.

Tele-Post pisumut tunngasunik nutaarsiassaateqaleruni  paasiissutisseeqqissaaq.

Annertunerusumik paasiniaaffigineqarsinnaapput uku: teknisk driftschef Kim Hammond Zinck mobil +299 53 57 00 imal. khz@telepost.gl aamma/imal. attaveqaqatigiinnermik suliali Anne Rønne uunga ronne@telepost.gl imal. +299 54 89 22.iftschef Kim Hammond Zinck på mobil +299 53 57 00 eller khz@telepost.gl og/eller kommunikationsmedarbejder Anne Rønne på ronne@telepost.gl eller +299 54 89 22.