Menu

Radiokæde aamma attaviit allat Upernavimmiit avannamut eqqorneqarput

26/11/2019 - 12:49

 

Nunatta avannaani silarluttaqattaanerata kinguneranik Upernavimmiit avannamut radiukkut attaveqarniarnerit sakkortuumik killilersorneqarput, attaveerutivissinnaanerallu aarleqqutigineqarpoq. Attaviit tamarmik sullitallu tamarmik eqqorneqarput.

Qaammataasanut attaviit sukkanerpaamik TELE-POST-ip allanngortitserpai, kisiannili sullissinerni aqqutit sukkassutsillu arriilisimaarallassapput.

Radiokædip aaqqissuunneqarnerani qaammataasanut attavinni backupitut sillimmatit atorneqarsinnaasut annikittuinnaapput, tamannalu peqqutaavoq killilersuigallalernermut. Attaviugallartuni aqqutit killeqartut oqaloqatigiinninnernut atorneqarnissaat aamma inuiaqatigiinnut pingaaruteqarluinnartunut sullissinernut, assersuutigalugu sinerissami radiunut, atorneqarnissaat qulakkeerniarneqarpq. TELE-POST-imi Teknikkinut aamma IT-nut pisortaq Jonas Hasselriis ima oqarpoq:

Sapinngisarput tamaat iliuuseqarpugut Upernavimmiit avannamut attaveqaqqilernissaa anguniarlugu, akornusersuisoqarneralu sullitatsinnut ajuusaarutigisorujussuuvarput. Attaviit tamarmik atorteqqilernissaannut sulisuvut pikkorissut ulappupput, neriuppugullu silap akornusersussanngikkaatigut. ” 

Kalaallit Nunaata avannaani silarlunnera peqqutigalugu Upernavimmiit avannamut radiokækkut attaveqarniarneq arriillingaatsiaqqavoq.
Upernavimmi Upernaviullu avannaani illoqarfinni nunaqarfinnilu attaveqaatit eqqugaaqqapput.

TELE-POST-imit nalunaarutigineqarpoq attaveqaatit suli arriikkallassasut, tamannalu sumiiffimmi pineqartumi nittaangaatsiarneranik peqquteqartoq. Tassa radiokkut attaveqarniarnerup kipisaqattaarneranut nittaangaatsiarnera sermernarujussuarneralu peqqutaanerpaassangatinneqarput. Upernavimmit avannamut attaveqaatit attaveqaleqqinnissaat TELE-POST-imeersut sapinngisartik tamaat maanna sulissutigaat.

Sukumiinerusunik paasisaqarusukkuit apeqquteqarlutilluunniit attaveqaqatigiinnernut pisortaq Julie Rademacher attaviguuk e-mail julie@telepost.gl imaluunniit mobil +299 263535