Menu

Radiokkut atassuteqaat sarfaaruttoornermik eqqugaavoq

27/12/2015 - 16:30

TELE-POST-i radiukkut atassuteqaatip sarfaaruttoornerata nassataanik ajornartorsiuteqarpoq, tamannalu atuisunut  Attup Nuugaatsiallu akornanni najugalinnut eqquivoq.

Radiokkut atassuteqaat Aasiaat kujataanni Attup Uummannaaniittoq ualeq manna sarfaruttoornermik ilungersunartumik eqqugaavoq. Atuisullu Attup Nuugaatsiallu akornanni najugaqartut uku atorsinnaajunnaaqqagallarpaat 2G, 3G, 4G, bredbånd, aammalu oqarasuaatit nalinginnaat, radio aamma TV.  Kiisalu sinerissammi umiarsuarnut radio timmisartunullu radio aamma eqqugaapput.

Teknikkikkut ingerlatsinermut pisortaq Kim Hammond Zinck nassuiaavoq:

- Inuit taamak amerlatigisut ajutoornermik eqqugaanerat assut ajuusaarnaqaaq. Ajornartorsiutillu piaarnerpaamik aaqqinneqarnissaa ilungersorluta sulissutigaarput. Siullermik qulimiguulimmik attartorluta teknikerinik Attup Uummannaaliartitsissaagut.

Sarfaaruttoornerullu nassataanik ajornartorsiortitsineq Tele-Post-imiit ajuusaarutigaarput.

Annertunerusumik paasiniaaffigineqarsinnaapput uku: Teknikkikkut ingerlatsinermut pisortaq Kim Hammond Zinck mobil +299 53 57 00 imaluunniit khz@telepost.gl aamma/imaluunniit attaveqaqatigiinnermik sulialik Anne Rønne uunga ronne@telepost.gl imaluunniit  +299 54 89 22.