Menu

Sakkortusaavik innaallagiaqaqqilerpoq

28/12/2015 - 14:45

Nal. 13-ip missaani Attup Uummannaani sakkortusaaveqarfimmi attavik teknikerinit attavinitseqqinneqarpoq. Taamaalillutik Attup aamma Nuugaatsiap akornanni sullitatta 2G, 3G, 4G aamma bredbånd atorsinnaaqqilerpaat aammalu radiomik TV-millu tusarnaaqqissinnaalerlutillu isiginnaaqqissinnaanngorput kiisalu timmisartunut umiarsuarnullu attaveqarsinnaaneq atorsinnaaqqilerpoq.

Teknikkimik ingerlatsinermut pisortaq Kim Hammond Zinck ima oqarpoq:
- Teknikerit suliassaasa maannakkut pingaarnersarilerpaat attaveeruttaqattaannginnissap qulakkeernissaa, aammalu innaallagissap qamittooqqinnginnissaa. Tulliullugu innaallagiaarunnermut pissutaasoq misissussavarput.

Teknikerit Ilulissaninngaanniit helikopterimik aallarput nal. 10. Kangaatsiarli qanillillugulu anori nittaalarlu pissutigalugit utertariaqarsimapput Aasiannullu mittariaqarsimallutik. Qujanartumik sila allanngormat helikopteri ajornaquteqanngitsumik Attup Uummannaanut missinnaasimavoq.

Helikopterip qaamanerinnaani timmeqqusaanera pissutigalugu ajornartorsiut ippassaq iluarsineqarsinnaasimanngilaq.

For yderligere oplysninger kontakt teknisk driftschef Kim Hammond Zinck på mobil +299 53 57 00 eller khz@telepost.gl og/eller kommunikationsmedarbejder Anne Rønne på ronne@telepost.gl eller +299 54 89 22.