Menu

Savaatilinnut interneti akikinneq sukkanerlu

01/08/2018 - 10:30

Nunaateqarfinnut asimiittunut qaammataasakkut interneti aggustimiit TELE-POST-ip akit appartillugillu sukkassuseq qaffatsissavaa.

Piffissami matumani illoqarfinni nunaqarfinnilu attaveqaatinik pitsanngorsaaffiuvoq, teknikerit juunimi mobilinut antennit nutaanerpaat ikkussullugit aallartimmatigilli. Sullitagut nunatta kujasissuani qaammataasakkut internetimut attaveqaatillit nuannersumik aamma tusagassaqartinneqalerput.

Malunnaatilimmik akikinneq Aggustip aallaqqaataaniit sullitat taakku internetimik atuinerat TELE-POST-ip appartissavaa, taamaalilluni maannakkut gigabytemut ataatsimut aallartittumut 420 kr.-ilimmut taarsiullugu gigabyte ataaseq 50 kroneqalissaaq. Attavimmi sukkassuseq aammattaaq qaffatsinneqangaatsiassaaq, maannakkut 512/256Kbps-inut naleqqiullugit 1024/512Kbps-it qaffasinnerilluunniit anguneqarsinnaalissallutik.

Savaatilinnut sukkassutsit sukkanerit akillu appasinnerit qaammataasakkut attaveqaatilinnut nioqqutinik pitsaanerusunik atugassaqartitsinermut alloriarneruvoq, taama oqarpoq TELE-POST-imi pisortaaneq Kristian Reinert Davidsen. Pitsanngorsaanerit amerlanerit - Internetimik pitsaanerusumik akikinnerusumillu tamanut atugassaqartitsinermi periarfissat misissortuarnissaat uannut assut pingaaruteqarpoq.

Anguniagaq tamanna innuttaasut 80 procentiinnaannut, maannakkut flatrate internetimik pisinissamut periarfissaqartunut atuutissanngilaq, Davidsen isumaqarpoq.

- Qaammataasaq aqqutigalugu sullitatsinnut siunissami pitsanngorsaatissanik allanik saqqummiussaqarumaartugut naatsorsuutigaara, naggasiivoq.

 

Allanik paasisaqarumaguit attaveqaqatigiinnermut suleqataasoq Niels Krogh Søndergaard, niks@telepost.gl-imut, tlf. 38 61 50-imulluunniit attavigisinnaavat.