Menu

Seqernup maligaasaasa ajoqusersuinerannit attaviit ajoqusersorneqarput

13/02/2018 - 12:00

Ukiut tamaasa piffissap imaalinerani seqernup maligaasaasa ajoqusersuinerat pissutaalluni qaammataasamut attavik sivikitsumik kipisaqattaalersarpoq.

 

Pingasunngornermi februaarip 21-aniit 2018 arfininngornermut marsip pingajuata tungaanut attaviit kipisaqattaarnerannik sullitagut nalaataqartassapput. Sumiiffiit ilaanni minutsini tallimani attaveeruttoqaqattaartarsinnaavoq, sumiiffinnilu allani akunneq ataaseq angullugu sivisussuseqartarsinnaassallutik nal 11-p 13-inillu akornanni.

 

Seqernup maligaasaasa ajoqusersuinerat
Seqernup maligaasaasa ajoqusersuinerat pilersarpoq seqineq, qaammataasaq aammalu qaammataasap tigooraavia naligiikkaangata. Taamatut pisoqaraangat qaammataasap tigooraaviata seqinermiit ”nipiliornerit” tigooralersarpai. Seqernup qinngorneri qaammataasamit sakkortunerusarput, seqernullu nipiliornerata qaammataasap signalia nipaarutsittarpaa.

 

Sumiiffiit sunnerneqartussat
Sumiiffinni tulliuttuni kipisaqattaarnerit malunnarnerpaassapput: Qaanaaq, Pituffik, Savissivik, Upernavik, Upernavik Kujalleq, Nerlerit Inaat, Ittoqqortoormiit, Tasiilaq aammalu Kalaallit Nunaata Kujataani nunaateqarfinni avinngarusimasuniittuni.