Menu

Seqernup maligaasaasa ajoqusersuinerannit attaviit ajoqusersorneqarput

26/02/2019 - 13:01

Ukiut tamaasa ukiup taamaalinerani qaammataasamut attavik kipisaqattaalersarpoq seqernup maligaasaanit ajoqusersorneqarneq pissutaalluni.

​Ataasinngornermiit februarip 18-ianiit pingasunngornermut marsip 6-ata 2019 tungaanut sullitatta qaammataasakkut attavillit attavimmik kipisaqattaartarsinnaanerat malugisassavaat. Sumiiffiit ilaanni minutsini tallimani attaveeruttoqaqattaartarsinnaassaaq, allanilu akunneq ataaseq angullugu sivisussuseqartarsinnaassallutik. 

Seqernup maligaasaasa ajoqusersuinerat

Seqernup maligaasaasa ajoqusersuinerat pilersarpoq seqineq qaammataasallu tigooraavia naligiikkaangata, tassa qaammataasap tigooraaviata seqinermiit ”nipiliornerit” tigooraleraangagit. Seqernup qinngorneri qaammataasamit sakkortunerusarput, seqernullu nipiliornerata qaammataasamiit signali nipaarutsittarpaa.

Sumiiffiit sunnerneqartussat

Sumiiffinni tulliuttuni qaammataasakkut attaveqarfiusuni, sullitatta kipisaqattaarnerit malugisarumaarpaat: Qaanaaq, Pituffik, Savissivik, Nerlerit Inaat, Ittoqqortoormiit, Tasiilaq