Menu

Seqernup maligaasaasa ajoqusersuinerannit attaviit ajoqusersorneqarput

02/10/2019 - 12:10

Ukiut tamaasa ukiup taamaalinerani qaammataasamut attavik kipisaqattaalersarpoq seqernup maligaasaanit ajoqusersorneqarneq pissutaalluni.

Ataasinngorenq oktoberip arfineq aappaanniit marlunngorneq oktobarip 23-ata 2019 tungaanut sullitatta qaammataasakkut attavillit attavimmik kipisaqattaartarsinnaanerat malugisassavaat. Sumiiffiit ilaanni minutsini tallimani attaveeruttoqaqattaartarsinnaassaaq, allanilu pifissammi nal.11-13 nalunaaquttap akoranni akunneq ataaseq angullugu sivisussuseqartarsinnaassallutik

Seqernup maligaasaasa ajoqusersuinerat

Seqernup maligaasaasa ajoqusersuinerat pilersarpoq seqineq qaammataasallu tigooraavia naligiikkaangata, tassa qaammataasap tigooraaviata seqinermiit ”nipiliornerit” tigooraleraangagit. Seqernup qinngorneri qaammataasamit sakkortunerusarput, seqernullu nipiliornerata qaammataasamiit signali nipaarutsittarpaa.

Sumiiffiit sunnerneqartussat

Sumiiffinni taaneqartuni qaammataasakkut attaveqarfiusuni, sullitatta kipisaqattaarnerit malugisarumaarpaat: Qaanaaq, Pituffik, Savissivik, Danmarkshavn, Nerlerit Inaat, Ittoqqortoormiit aamma Tasiilaq.