Menu

Sermiligaami atassuteqaatit aaqqipput

21/02/2020 - 15:41

Tunumi Tasiilap nunaqarfittaasa ilaanni Sermiligaarmiut februaarip 17-iannili atassutaarupput anorersuup sakkortusaavimmi teknikkikkut atortunut eqquinera peqqutigalugu.

Telepostimi teknikerit kiisami sakkortusaavimmut apuullutik ajoqutaasoq aaqqimmassuk Sermiligaami atassuteqaatit pissusissamissut ingerlaqqilerput.

Telepostip teknikerii sapaatip akunnerata tulliani sakkortusaaviliaqqissapput atortunik anorersuarmit eqqugaasimasunik iluarsaassiartorlutik.