Menu

Tasiilami attaveqaatit

24/02/2017 - 10:05

 

Piffissami kingullermi Tasiilami attaveqaatit nalinginnaasumut sanilliullugu artorsarnerusarsimapput. Aasamut sanaartorneq aallarteqqeriarpat pitsanngorsaatissat arlallit suliarineqarnissaat pilersaarutigineqarpoq.

Tasiilaq qaammataasakkut attaveqarfigineqarsinnaavoq, tamannalu allatut ajornartumik unamminartortaqarpoq, tassami allanisuulli piginnaasaqanngillat imaluunniit allanituulli pitsaassusilimmik atugassaqartitsinngillat Kalaallit Nunaanni atorneqartut allat assigalugit. Attaviit qaammataasakkoortut telefonikkut sianerluni oqaluussinernik kingusinaartitsisarput aammalu internetip sukkassusaa sukkaannerutittarlugu.

Sullitat misigisaannik pitsanngorsaajumalluni TELE-POST ataavartumik arlalinnik iliuuseqarpoq, qaammataasakkulli attavik unamminartoqartuaannartussaavoq.

- Tasiilami annertujartuinnartumik attaveqaatit artorsaleraluttuinnarnerat TELE-POST-imi malugisinnaavarput, taamaattumik misissorlugu aallartipparput aasamut Tasiilap illoqarfiani atortutsinni sunik pitsanngorsaasinnaanerput. Tamatuma soorunami siunertaraa sullitatta misigisaannik pitsanngorsaanissaq, Teknikkimut IT-mullu pisortaq  Jonas Hasselriis oqarpoq.

TELE-POST-ip atortulersuutaani takuneqarsinnaavoq Tasiilamut attaviit piffissami kingullermi pisarnermiit annertunerusumik artorsarsimasut, taamaattumillu arlaleriarluni attaveerunnernut pissutaasimasinnaallutik. Tamatumunnga suup pissutaanera TELE-POST-ip misissorlugu aallarteruttorpaa. Attaviit atorluarnerusinnaanngortinniarlugit siullermik Tasiilami mobilinut attavik aammalu qaammataasamut attavik aaqqiivigineqarput.

Atuisunik Sullissivik telefonimut attaviit pillugit sullitanit saaffiginnissutinik tigusaqarsimanngilaq, sullitalli ajoqutinik taamaattunik nalaataqassagaluarunik Atuisunik Sullissivimmut saaffiginnissinnaapput ajoquteqartoqarneranik nalunaarutiginnillutik.