Menu

Tasiilami ulapaarneq

20/10/2015 - 13:35

Frimærkit arfineq-pingasut, frimærkinut hæfte ataaseq, miniarkit pingasut, mappit tammajuitsussiat marluk, ukiup mappia kiisalu saqqummeeqqaarnermi allakkat puussai. TELE-POST illulioriaaseq aammalu ataavartumik nukissiorneq pillugit frimærkinik arlalinnik ullumikkut saqqummiivoq. Juullip meqqia aammattaaq ullumikkut saqqummerpoq.

Frimærkini qulequttat assigiinngeqaat. Qangarnitsanik ullumikkornisanillu takutitsipput aammalu ullumikkut Kalaallit Nunaanni kulturi takutitsivigalugu.

TELE-POST-ip ukioq naggaserpaa Naja Rosing-Asvidip nutaatut nangeqattaartussanik meqqinik sisamanik, taakkunanilu kalaallit kulturianni kinaassusaannilu illulioriaaseq nersorniarneqarpoq.

Miki Jacobsenip frimærkiliai marluk ’Ataavartumik nukissiuuteqarnermik’ qulequtaqartut aammattaaq ullumikkut saqqummiunneqarput. Frimærkini takutinneqarpoq Kalaallit Nunaata ataavartumik nukissiuuteqarnermut iliuuseqarnera, pingaartumik erngup nukinganeersumik.

Pisarneq malillugu TELE-POST juullip meqqiinik marlunnik saqqummiussivoq. Christian Fleischer Rex suliarinnittuuvoq, taakkunanilu takutinneqarput kialaarneq uummammeersoq juullilu eqqissinartoq.

Ukioq frimærkileriffiusoq naggaserneqarpoq ukiup mappianik. Ukiup mappia 24-nik frimærkitaqarpoq, 2015-imilu saqqummiunneqartunik miniarkinik tallimanik imaqarluni.

Frimærkit nutaat taakku pillugit annerusumik atuarit ’Greenland Collector’-imi  www.stamps.gl-imut iserlutit.

Paasissutissanik allanik pissarserusukkuit www.stamps.gl takuuk imaluunniit frimærkinut pisortaq Allan Pertti Frandsen mobil +299 59 87 55-imut attavigiuk imaluunniit apf@telepost.gl-ikkut allaffigalugu aamma/imaluunniit attaveqaqatigiinnermut pisortaq Ivalo Egede, mobil +299 53 07 56-imut imaluunniit ivalo@telepost.gl-ikkut allaffigiuk.