Menu

Teknikkimut IT-mullu pisortaq nutaaq

28/09/2015 - 16:57

Tele-Post-ip Teknikkimut IT-mullu pisortanngortussaq nutaaq suliffeqarfiup iluani sulisuusoq atorfinitsippaa.


Civilingeniøri 35-nik ukiulik oktobarip aallaqqaataani Tele-Post-imi Teknikkimut IT-mullu pisortanngussaaq. Tassa Jonas Hasselriis ullumikkut Namminersorlutik Oqartussat oqarasuaatitigut attaveqaateqarnermut suliffeqarfiutaanni nioqqutissiornermut piseqqusaarinermullu aqutsisuusoq.

Jonas Hasselriis 2006-mi Tele-Postimi suliassanik aqutsisutut aallartippoq, piffissamilu 2008-miit 2013 ilanngullugu sanaartukkanut aqutsisutut atorfeqarluni. Suliffeqarnerminilu qaffakkiartornera ingerlaqqippoq 2014-mi januarimi nioqqutissiornermut piseqqusaarinermullu aqutsisutut atorfeqalermat.

Jonas Hasselriis civilingeniøritut ilinniagaqarpoq, aammalu ineriartornermut aqutseriaatsinullu pilersaarusiornermut MBA angusiffigisimallugu.

Tele-Postimi pisortaaneq Søren Lennert Mortensen ima oqarpoq: Jonas Hasselriis atorfimmut naleqqulluinnarpoq. Ilinniagai naleqquttuupput inuussutissarsiornermillu misilittagartuujuvoq. Massakkut atorfimmini teknologiimik aqutsinermillu ilisimasaqarnermi saniatigut atuisunut tunngassuteqartunik ilisimasaqarlualereersimavoq. Tulluussimaarutigeqaaralu suliffeqarfitsinni sulisuusumik atorfinitsitsisinnaagatta.