Menu

Tele Greenland A/S Nunatsinni 4G Mobile First aamma 5G pillugit

19/12/2019 - 13:58
CEO Kristian Reinert Davidsen

Attaveqaatinik pitsanngorsaajuarneq qulakkeerniarlugu Tele Greenland A/S ineriartornermut malinnaajuarpoq nalimmassaajuarlunilu. Qaqqat portusuut qaavini, kangerlunnilu qinngortuuni sila anorilu qanoq ikkaluarpataluunniit teknologi attaveqaatillu ingerlalluarnissaat qulakkeerneqartarpoq, maannalu nunami tamarmi 4G internet atorlugu attaveqaatit ikkusuunneqarsimalerput, tamatumani pisiniarfissanik toqqaaniarnermi pissutsit assigiinngitsorpassuit tunngavigineqarsimallutik.

November 2017-imi Ericsson 4G-mik pisiniarfissatut Tele Greenland A/S-imit toqqagaavoq. Taamanikkut pissutsit najoqqutaralugit uuttuutillu assigiinngitsut uuttuutigalugit ataatsimoortumik nalilersuisoqareersorlu toqqaasoqarpoq. Attaveqaatit atortuinik 5G teknologimut ineriartortitseqqinnissamut Tele Greenland-imi maanna pilersaarusiortoqarpoq,  tamatumalu qaqugu pissanissaa kingusinnerusukkut nalunaarutigineqarumaarpoq.

  • Attaveqaqatigiinnermik annertusaanermi imaatigut kabililersuineq, radiokædet nutaamillu mobilnetværkeqalersitsineq iluaqutigalugit Kalaallit Nunaanni inuiaqatigiit 92 %-ii flateratimik mobilt bredbåndimillu pilersuisoqarsinnaalersinneqarput. Tamanna nunatsinni innuttaasut ulluinnarni inuunerannut periarfissaannullu sunniuteqarlualereersoq assut tulluusimaarutigaarput.
  • Mobilnetværki Tele Greenland A/S-imit 2017-imi aningaasaliiffigineqartoq nunatsinni tamatsinnut 4G atorlugu atassuteqalersitsivoq. Mobilnetværki 5G-ngortinneqarnissamut piareersagaanikuummat teknologimik atortunillu siunissami 5G-ngortitsinissaq qularnaarneqareerpoq.

Tamanna ima isumaqarpoq 5G nunatsinnut takkukkumaartoq, Tele Greenland A/S-illu 5G-mik atassuseqaatilersuinissaani Huawei nioqquteqartussani periarfissat ilaattut isigineqanngilaq. Tele Greenland A/S-ip ullumikkut attaveqaataasa ilaanni pioreersuni Huawei-p atortuliaasa ilaat atorneqarmata attaveqaqatigiinnermi isumannaallissaaneq, pitsaasssuseq attaveqaqatigiinnerullu ingerlanga pillugit ataavartumik nalilersuinerit ingerlanneqarput.