Menu

Tele Greenland A/S-p ataatsimeersuarnera 2021

18/05/2021 - 21:53

Tele Greenland A/S ulloq 18. maaji 2021 ataatsimeersuarpoq.

Ukiumut angusarissaarluarneq - Annerusumik akikinnerusumillu pilersuinissamik anguniagaqarneq ingerlaannassaaq

Ingerlatseqatigiiffik 2020-mi akileraarutit ilanngaatigereernagit 167,0 mio. kr.-inik angusaqarpoq, tassa 2019-imi angusamut sanilliullugu 46,9 mio. kr.-inik amerlarusunik.

Datanik atuineq qaffariarujussuartoq – Silarsuup sinneranik qaninnerulersitsinissamik takorluukkat

2020 ukiut 2016-imiit periusissiorfiusut kingullersaraat, ukiumilu tassani internettimik atuineq qaffariarujussuarpoq, aammalu innuttaasut angerlarsimaffimminni internettimut attavillit 45%-iniit 68%-inut ukiumi tassani amerleriarput.

-Tamanna nalunaarasuartaateqarnermi attaveqaasersugaanermut sakkortusaaveqarnermullu nutaamik aningaasaliissuteqarnissamut pisussaaffiliivoq. Siulersuisuni siulittaasoq, ingerlatseqatigiiffiup siunissaa pillugu nutaamik periusissiaqartoq, Kalaallit Nunaatalu tamarmiusup 2024-p tungaanut anguniagaqarfiunissaanik takorluugaqartoq taama oqarpoq

- Ukiuni periusissiorfiusuni qaangiuttuni maannakkulu tulliuttuni aallartitatsinni, Kalaallit Nunaata tamavimmi nalunaarsuartaateqarnikkut allakkeriveqarikkullu sullissivigineqarnissaa ingerlatseqatigiiffimmit pimoorullugu ukkatarineqassaaq. Nunap ilaani akiliisinnaassuseq nalunaarasuartaateqarnikkut attaveqaqatigiinnermut aningaasaliissutinut matussusiisinnaanngilaq, tassungalu atatillugu naqissuserusuppara, internettimik piginnaasaanik annertusaaneq ilinniartitaanermut, inuussutissarsiornermut sumiiffinnilu ataasiakkaani peqqissutsimik  nukittorsaanermi pinngitsoorneqarsinnaanngimmat – aamma sumiiffinni akiviusunik akiliinissamut akissaqarfiunngitsuni. Siulersuini siulittaasoq Stine Bosse taama oqarpoq.

Siulersuisuni ilaasortaasimasunut qujanaq – nutaanullu tikilluaritsi

Naggataagut minnerunngitsumillu siulersuisuni ilaasortat tunuartut Kim Søgaard aamma Avaiaja Karlshøj Knudsen ingerlatseqatigiiffiup angusaqarluarnissaanik nukittunerusumillu inissisimalernissaanik  qulakkeerinneqataasimanerat pillugu qutsavigaavut.

Siulersuisuni ilaasortanngortut nutaat marluk aamma tikilluaqqujumavagut, tassaasut Tukummeq Arnaq Egede Martinsen aamma Eqalunnguaq Abel Kristiansen.

Siulersuisut tassaapput:

  • Stine Bosse
  • Inaluk Brandt
  • Ulrik Blidorf
  • Tukummeq Arnaq Egede Martinsen
  • Eqalunnguaq Abel Kristiansen
  • Emil Kleemann
  • Jørgen Rosbach
  • Ole Zeeb Andersen

 

Ataatsimeersuarnermi saqqummiussanut iserfissaq:

Nalinginnaasumik ataatsimeersuarneeq 18.maaji 2021

Siulersuisuni siulittaasup oqalugiaataa

Ukiumoortumik Nalunaarut 2020

 

Annertunerusumik paasisaqarusunnermi attavigisassaq: Paasissutissiisarnermut pisortaq Julie Rademacher mobil 263535, email: julie@telepost.gl