Menu

Tele Greenland Qaammataasakkut attassuteqaatilinnut internet pitsaanerusoq

15/01/2020 - 10:34
Bestyrelsesformand Stine Bosse - Administrerende Direktør Kristian Reinert Davidsen Tasiilaq 2019

 

Nunatsinni qaammataasaannakkut attassuteqaateqarfiusuni internettimik pitsaanerulersitsinikkut ukiut digitaleqarfiusut appakaaffigaavut. Atuisut 92 %-tii pitsaasumik internetteqalerput -  innuttaasulli 100 %-tiisa pitsaasumik internetteqalernissaat angorusupparput.

”Imaatigut kabeli atulermat radiokædeqarfimmiullu 92 %-tii flatratimik neqeroorfigineqarsinnaalermata digitalip maligi Kalaallit Nunaannut angupput. Kalaallit Nunaanni attaveqarneq tamaat ataqatigiilersinniarlugu periarfissarsiorluni sulineq nanginneqassaaq. Anguniagarujussuarnik aallartitsisinnaagatta tulluusimaarpugut Kalaallit Nunaamiullu tamarmik siunissami pitsaanerusumik internetseqalernissaat qulakkeerumallugu”, Tele Greenland A/S-ip siulersuisuini siulittaasoq Stine Bosse oqarpoq.

Qaammataasakkut attaveqaatillit makkua pitsaasumik internetteqalersinniarlugit attaveqaatinik ukiuni tulliuttuni pingasuni ineriartortitsisoqassasoq Tele Greenland A/S-imi siunniuneqarpoq:

  • 2020 Tasiilaq
  • 2021 Ittoqqortoormiit
  • 2023 Qaanaap/Pituffiullu eqqaat, aatsitassarsiorfiit aamma savaateqarfiit

Qaammataasakkut attaveqaatit pitsaanerpaangaluarunilluunniit imaatigut kabelikkut attaveqarnermut inorsarput. Taamaammat qaammataasakkut attaveqaatillit ullumikkornit pitsaanerungaartumik internetteqalersinniarlugit ilungersorluta sulivugut”, Tele Greenland A/S-mi pisortaaneq Kristian Reiner Davidsen oqarpoq.

Tasiilap eqqaani ukiaru sakkortusaaveqarfiliortoqassaaq antennenillu nutarsaasoqarluni. Taava aappaagu 2021-mi ukiakkut Ittoqqortoormiut tullinnguutissapput, tassani nutaamik sakkortusaaviliortoqassaaq. 2023-mi ukiakkut Qaanaaq eqqaalu tullinnguutissapput kiisalu aatsitassarsiorfinni savaateqarfinnilu attaveqarneq pitsaanerulissaaq.

Paasisaqarnerorusukkuit apeqqutissaqaruilluunniit attaveqaqatigiinnermut pisortaq Julie Radermacher attavigiuk, email: julie@telepost.gl, mobil +299 263535.