Menu

Tele Greenlandip SES-llu attaveqaruminaatsuni internetsimut attaveqarneq annertusiniarpaa

04/08/2020 - 10:15

Tele Greenlandip SES-illu Tunumi internetsi sukkanerusoq atuutilersippaat, pisisartullu maanna internetsimut atuisuuffinnik nutaanik pisisinnaalerput.

-Nuannaarutigalugu nalunaarutigissavara internetsimut aaqqiissutit nutaat pillugit killiffimmut pingaarutilimmut pinerput, pisisartutsinnullu, sumiiffinni imaatigut kabelimit attaveqanngitsuniittunut, pitsaanerusunik periarfissanik pilersitsinerput.Tamanna alloriarneruvoq siulleq, innuttaasunut tamanut internetsimut atuisuuffinnik nutaanik pilersitsisoq, Tele Greenland A/Simi pisortaaneq Kristian Reinert Davidsen oqarpoq.

Kalaallit Nunaanni internetseqartitsineq suliassaavoq imaannaanngitsoq, attaviit nunamut tunngavilikkat atortussallu atorneri unammillernartuummata. Saniatiguttaaq issittup killeqarfiani geostationæri (GEO) aqqutigalugu qaammataasanut attaveqarniarneq ajornakusoortuummat. SES-imik suleqateqarnikkut Tele Greenlandip unammillernartut tamakku qujanartumik ajugaaffigai, 

qaammataasakkut attaveqaatit pisinnaanerulernissaannut attaveqaatinullu nunakkoortunut aningaasaliissuteqarnikkut sullitani internetsimut atuisuuffinnik nutaanik periarfissippai. 

Attassuteqarneq nunakkoortoq 2020-mi atuutilersinneqarsinnaassaaq, Covid-19-ip Nunarsuarmi tamarmi ajornartorsiortitsinera suliamut kinguaattoortitsissanngippat.

-Tele Greenlandip SES-illu assut pingaartippaat, internetsikkut attaviit tamanut atuutsinnissaat, tamanullu periarfissaanissaat. Isorliunerusuniittunut nunakkullu atassuserneqarsinnaangitsunut attaviliinissarput pimoorupparput, tulluusimaarutigaarpullu Tunumi innuttaasunut internetsimik qaffasissumik pitsaassusilimmik  tunniussisinnaanerput, Antonio Bove, Fixed Data Sales Europeimi SES Networksimi pisortaq oqarpoq. 

Tele Greenland pillugu 

Tele Greenland nalunaarasuartaatitigut atassusiliisuuvoq   Namminersornerullutik oqartussanit pigineqartoq, Kalaallillu Nunaanni ’TELE-POST’itut ilisimaneqartoq. Imaatigut kabelimik, mikrobølgekkut attaveqarfinnik, qaammataasanut attaveqarfinnik, sumiiffimmilu internetsimut attavinnik - ledningilinnik ledningeqanngitsunillu piginnittuuvoq ingerlatsiusuullunilu. Taamaalilluni Kalaallit Nunaanni innuttaasut 56.000-it kiisalu sullitat immikkut ittut, akit pitsaasut atorlugit, attavinnik nutaalianik periarfissippai. Tele Greenland Nunarsuarmut tamarmut attaviliinissamut, kisermaassinermilu akuersissutilimmik nalunaarasuartaatitigut attaviliinissaminut, angallattakkallu pillugit kiffartuussinissaminut pisussaaffeqarpoq.  

Tele Greenlandip nunakkut attavii imaatigullu kabelii inissilluagaapput, Atlantikup avannaani imaatigut silaannakkullu angallaffiit annerit qaammataasakkut attaveqarnerinut tunngatillugu.

Paasisaqarnerorusukkuit apeqqutissaqaruillu attaveqarnermut pisortaq attavigiuk Julie Rademacher - julie@telepost.gl imaluunniit angallattagaq: +299 263535