Menu

TELE-POST Center Sisimiut nutarterneqarpoq

01/10/2018 - 10:00

Sisimiuni TELE-POST Centerip atuisuminut ullumikkut matut ammarpaat centeri nutarteriffigeqqammertoq, kissaatigilluinnarneqarsimavormi init sullitanik pitsaanerpaamik siunnersuinernut sullissinernullu atorneqarsinnaasunngornissaat.

Pisiniarfiup nutaap sullitat qaninnerusumik attaveqarfigisinnaanngortissavai, sullitallu nioqqutinik pisitinnatik nioqqutissaatigut misissorluaqqaarsinnaanngussavaat.

Tamatumunnga ilanngupput ipad-it aqqutigalugit imminut sullissinnaanerit annertuninngornerat, sullitagut Tusass-imik immiisinnaanngorlugit imaluunniit ujarliuterput Track & Trace atorlugu poortugaatiminnik ujaasisinnaanngorlugit.

Centerimik aqutsisoq Vivi Gudmundsen Lennert qilanaarluni ima oqarpoq:

- Pisiniarfittaatsinni sullitatta sullisilernissaat qilanaaraara – nalunngilarput sivisuumik utaqqisimallugu, kisianni malugisinnaavara sullitatsinnut suli nuannaarutaanerusumik pisiniarfittaatsinni sullissinerput qaffatsissinnaallutigu.

Sisimiuni TELE-POST Centerimi ullumikkut kaffeqarlunilu kaageqassaaq, sullitagut pisiniarfittaatsinnut kusanaqisumut takusaanissaminnut aammalu kaagisornissaminnut neqeroorutitsialannillu neqeroorfigineqarnissaminnut tikilluaqquneqarput.