Menu

TELE-POST-i suliffeqarfinnut ataatsimiittarfinnik akeqanngitsumik neqerooruteqarpoq

20/03/2020 - 11:28

 

Coronap atugaanerani TELE-POST-i suliffeqarfiit internetsikkut ataatsimiittarfinnik pilersitsinissaannut periarfissiivoq. Suliffeqarfittut Tusasseqarussi oqarasuaatikkut internetsikkulluunniit ataatsimiinnissassinnik periarfissaqarpusi.

- Internetsikkut ataatsimiittarfinnik pilersitsivugut. Neqeroorutip atornissaa pisariippoq, isumannaappoq qaammatillu pingasut tulliuttut kalaallit Nunaanni suliffeqarfinnut akeqassanani. Taamaasiornikkut neriuutigivarput Coronap atugaanerani immitsinnut naak qanillisinnaanngikkaluarluta, suliffeqarfiit imminnut attaveqatigiissinnaanerat ikiorserneqassasoq, TELE-POST-ip pisortaa Kristian Reinert Davidsen taamak oqarpoq.

Internetsikkut ataatsimiittarfimmik misiliinissat soqutigiviuk? Suliffeqarfinnut Tusass sianernikkut paasiniaaffigiuk: 808090, imaluunniit uunga allaffigitigut: erhverv@telepost.gl. Tassani internetsikkut ataatsimiittarfiit isertarfiat pillugu paasisaqarsinnaavutit.

Paasissutissat uaniipput: www.tusass.gl/business