Menu

TELE-POST-imi aaqqissuussineq pitsaaneq

22/08/2016 - 13:41

TELE-POST–i atuisunik sullissinerminik nukittorsaaniarluni aaqqissuussanermik pisariakillisaavoq, atuisunut sullissiviup, tunisassianut aammalu  inuussutissarsiortunut sullissiviup, aammalu oqarasuaateqarnermut attaveqaqatigiinnermik tuniniaanermillu sullissiviup ataatsimoortillugit immikkoortumi ataatsimi niuernermik tunngaveqarluni ingerlatsiviusussatut inissinnerisigut. 

Tassani niuernermik tunngaveqarluni pisortaassaaq upernaaq manna Tunisassianut Nittarsaassinermillu pisortatut atorfinittoq Brian Smedemark.  Taamaasilluni Smedegaard TELE-POST-imik atuisunut tamanut sullissinerup nukittorsarneqarnissaanut akisussaalissaaq. Immikkoortoqarfimmi pisortaq Per Svendsen allakkerinermut tunngasut suli akisussaaffigai.

Inuinnaarnut aamma Inuussutissarsiortunut sullissinerit ataatsimoortilernissaasa iluaqutissartaqarnerat takusinnaalluarpara,  Brian Smedemark atuisunik sullissinerup pisariakillisarlugulu nukittorsarnissaanik suliaqarnissaminut qilanaartoq oqarpoq. Atuisunut sullissiviit taakku marluk immikkut ingerlanneqarnissaat pisariaqanngilaq, suliassallu ersarissup aqutsisuuffiginissaanut qilanaarpunga. 

Pisariakinnermik aaqqissuussaanerup saniatigut TELE-POST-illu iluani suliassat agguataarluarnerisigut siunissami atuisunut sullissinerput nukittorsassavarput, tamannalu pisariaqarluinnarpoq, pisortaaneq Kristian Reinert Davidsen, TELE-POST-ip aaqqissuussaanikkut allanngortitsinerata atuisunut siunissami qaffaataanissaa pillugu oqarpoq. 

TELE-POST-imi pisortatut atorfik ataaseq aammalu aqutsisutut atorfik ataaseq atorunnaarsinneqarput, ajoraluartumillu sulisut marluk aamma suliunnaarsinneqarlutik. 

Annertunerusumik paasiniaaffigineqarsinnaapput pisortaaneq Kristian Reinert Davidsen, oqar. 38 61 00 imal. krda@telepost.gl, imaluunniit niuernermut pisortaq Brian Smedemark oqar. 53 31 08 imal. brian@telepost.gl.