TELE-POST-imi attaveqaqatigiinnermut pisortaq nutaaq
Arnakkuluk Jo Kleist-ip TELE-POST-imi attaveqaqatigiinnermut pisortanngornissaa nuannaarutigalugu TELE-POST-ip nalunaarutigaa.
Arnakkuluk Jo Kleist ukiut kingulliit Arctic Winter Games 2016-ip ingerlanneqarnerani pisortamut tullersortaanermigut siuttut ilagisimavai ilaatigut AWG-qanerani attaveqaqatigiinnermut akisussaassuulluni. AWG2016 sioqqullugu Arnakkuluk Kommuneqarfik Sermersuumi attaveqaqatigiinnermik sulisutut atorfeqarpoq.
Arnakkuluk Jo Kleist-ip attaveqaqatigiinnermik pisortatut atorfeqalernermini Ivalo Egede kingoraassavaa, taanna napparsimaneq pissutigalugu atorfimminit tunuarnissamik kissaateqarmat. Ukiup affaa kingulleq Anne Rønne TELE-POST-imi attaveqaqatigiinnerup pilersaarusiorluakkamik ingerlanneqarneranik isumaginnittuuvoq.
Arnakkuluk Jo Kleist atorfimmini 1. oktober 2016 sulilissaaq.
Ilinniarsimalluarsimasumik misilittagalimmillu inuusuttumik attaveqaqatigiinnermut atorfiup inuttalernissaa iluatsissimagatsigu nuannaarutigeqaara, pisortaaneq Kristian Reinert Davidsen oqarpoq. Arnakkuluk Jo Kleist Roskilde Universitet-imit attaveqaqatigiinnermut kandidatitut naammassinikuuvoq, AWG-llu nalaani sulilluarnermik takutitsinermi saniatigut oqaatsinik marluinnik atuisinnaanini nukittussutigaa, tamannami uagut suliffeqarfitsinni pingaaruteqarluinnarpoq. Uanga Savalimmiuneerpunga, kalaallilli oqaasiinik atuisinnaananga. Arnakkuluup suleqatiginissaa qilanaareqaara.
Annertunerusumik paasiniaaffigineqarsinnaapput pisortaaneq Kristin Reinert Davidsen, oqar. 386100 imal. krda@telepost.gl. Imaluunniit sulisoqarnermut pisortaq Helena Rotvig Kristiansen oqar. 52 38 68 imal. hrkr@telepost.gl