Menu

TELE-POST-ip aamma Kommuneqarfik Sermersuup qarasaasianik kodelerineq atuarfinni atuartitsissutigisalissavaat

08/01/2020 - 16:28
ele-post_kommuneqarfik_sermersooq_underskriver_aftale_om_coding_class

 

TELE-POST-ip kissaatigaa kinguaariinni tullinnguuttut salliutinneqarnissaat. Meeqqat inuusuttullu inuunerat digitaliusoq qitiutillugu, piujuaannartitsinissamik tunngaveqartumik, ataatsimoorullugu suliniutissanik naleqalersitsisussanik, TELE-POST aamma Kommuneqarfik Sermersooq suleqatigiissutissamik isumaqatigiissuteqarput. Suleqatigiissutissap imarai misiliutigalugu suliniutissat atuaqatigiikkuutaat klassit sisamat ”coding class”-imik taaneqartut, upernaakkut 2020-mi aallartissasut.

Coding Class-it Kalaallit Nunaanni

Ullut atuartitsiviusut tallimat ingerlanerini 7. klassimi atuartut TELE-POST-imiit unammillernartunik suliaqartinneqassapput, ajornartorsiut aalajangersimasoq aallaavigalugu atuartut aaqqiissutissaq suliaralugu naammassiniassavaat, kodelinerinikkut aaqqiissutissaq suliarineqassaaq aaqqiissutissarlu naammassineqartoq suliffeqarfimmut saqqummiunneqassalluni.

  • Kalaallit Nunaanni teknologiimik digitaliusumik pisinnaasalinnik amigaateqartorujussuunera ilisimalersimavarput, taamaattumik kissaatigaarput meeqqat inuusuttullu IT-mut soqutigisaqarnerat eqeersaaffigeqataaffiginiarlutigu, IT-mik atuisinnaaneq kisiat pinnagu, aammali IT sakkugalugu pilersitseqataasinnaaneq anguniarlugu. Qarasaasiakkut kodelersuilluni pisinnaasalersuisitsisinnaaneq atuarfimmi ilinniagassat ilaattut ivertinneratigut siunertaraarput kinguaariinni tulliuttuni teknikkerinngorumaartut ingeniørinngorumaartullu aallartisarsinnaalissallutigit. HR-imi Pisortaq Helena Rotvig Kristiansen TELE-POST-imi Sulisoqarnermut Immikkoortortaqarfimmi Pisortaq taama oqarpoq.

Suleqatigiinneq aqqutigalugu atuartut qarasaasiat iluini sakkussanik ikkussueriaatsit, pisinnaasalersueriaatsit, misissueqqissaarnerit ineriartortitsinerlu ilisimasaqarfigilissavaat.

  • Kommuneqarfik Sermersuumi anguniangaraarput meeqqat ajunngitsumik ilinniarfiulluartumillu peroriartornissaat, tamatumuunakkut inuunermut pitsaasumik piareersimasinnaaleqqullugit. ’Coding Class-imik’ atuartitseriaaseq, maannamut atuartitsisutaasartutoqqanit allaanerusunik piginnaasaqartitsilersussaavoq, meeqqat siunissaannut nukittorsaataalluartussanik, Kommuneqarfik Sermersuumi Meeqqanut Atuarfeqarnermullu Ingerlatsivimmi pisortaagallartoq Marie Fleischer taama oqarpoq.

TELE-POST-ip kissaatigaa suliniummut kommunit allat soqutiginnilersinnissaat,   ”Coding Classes”-iniillu suleqatigiilluni ilinniartitsisalernissamut  periarfissat misissuataarlugit.

Allanik paasisaqarumaguit Attaveqaqatigiinnermut pisortaq Julie Rademacher, tlf.+299 26 35 35-mut attavigisinnaavat.