Menu

TELE-POST-ip internetimut nioqqutaanut malittarisassani allanngortoqarnissaanik kalerriineq

14/01/2015 - 05:29

Internetimik atuineq, sullitat paasissutissanut atugaat killileruminaatsunngortinngikkaluarlugit, pitsaasuusussaavoq. Taamaammat flatratep sarsuatitsinermut atorneqarnerata sukkassusaa TELE-POST-ip ukiuni kingullerni misilittartuarpaa. Sukkassuseq ima sukkatigisimappat, sullitat qummut killiliussaminnik sukkavallaamik angusillutik, taava nioqqut atorsinnaanngilaq.

Misilittaanerit takutippaat flatratemik nioqqutit sukkassusaasa atajuartussamik kigaannerulersinneqarnissaat pisariaqartoq, assersuutigalugu Netflix-iminngaanniit sarsuatitsinermut atorneqartillugu. 1. december 2014-imiilli sukkassutsit flatratemut nioqqutinut naleqqussakkat misilittartarsimavagut.

Piffissaq misilittaaffiusoq tunngavigalugu nioqqutinut malittarisassat allanngortinneqassapput, taamaalilluni TELE-POST 1. marts 2015-iminngaanniit internetimut nioqqutitsinni sarsuatitsinermut atorneqartuni tamani sukkassutsimik kigaallisitsinissaminut imminut piginnaatilissaaq.

Maannakkuugallartoq sukkassuseq nioqqutini tulliuttuni taamaallaat appartinneqarpoq:

  • Flatrate Mikisoq: 2 Mbps atorlugu sarsuatitsinermi pitsaassuseq (Netflix 720p)
  • Flatrate Akulleq: 3 Mbps atorlugu sarsuatitsinermi pitsaassuseq (Netflix 1080p)
  • Flatrate Angisooq: 4 Mbps atorlugu sarsuatitsinermi pitsaassuseq (Netflix 1080p)

Nioqqutit sarsuatitsinerunngitsumut atorneqaraangata sukkassutsit nalinginnaasumik 2, 4 aamma 10 Mbps-iusarput.

Malittarisassat uani nassaarisinnaavatit