Menu

TELE-POST-ip qullersaqarfiani pilersaarutaasumik innaallagissamik qamitsitsinissaq

18/05/2018 - 16:00

 

Mobile First-imik suliaqarnerup angisuup piareersarneqarneranut atatillugu, sapaatip akunnerata tulliani TELE-POST-ip innaallagiaq sivikitsumik unnuakkut aammaarluni qaminngatissavaa. 

Pingasunngorpat 23. maj 2018 innaallagissap sivikitsumik Nuummi TELE-POST-ip qullersaqarfiani nal. 02:00-p aamma nal. 06:00-ip akornani qaminngatinneqarnissaa pilersaarutaavoq.

Innaallagissap qaminngatinneqarnissaata kingunerissavaa, internetip, telefonit aammalu attaveqaatitta allat arlallit innaallagiaq sillimmataasoq atorlugu ingerlasariaqarnissaat imaluunniit piffissami taaneqartumi sivikitsumik qaminngasariaqartassasut. Aammattaaq malugeqqussavarput qaminngasinnaaneq ass. sinerissami radiomut aamma atuummat.

Januarimi iluatsitsineq

Ukiumi matumani siusinnerusukkut suliaq taamatut ittoq iluatsittumik TELE-POST-ip aammattaaq ingerlappaa, maannakkullu pisussami uani naatsorsuutiginngisamik arlaannik pisoqarnissaa ilisimaginngilarput.

Ukioq manna innaallagissamik suliaqarnissanik annertuunik allanik sullitatsinnut amerlasuunut sunniuteqarsinnaasunik pilersaaruteqartoqanngilaq.

Allanik paasisaqarumaguit TELE-POST-ip januarimi tusagassiuutinut nalunaarutaa takuuk.