Menu

TELE-POST-ip roaming-imut akit 90 % tikillugu akikillilerpai

09/09/2014 - 11:07

15. december 2013 TELE-POST-ip GSM mobilinik atuisunut, nunani ukunani angalasunut, atuinerni akit appartilerpai, Danmark, Sverige, Norge, Finland kiisalu nunani baltiskiusuni (Letland, Estland aamma Litauen).

Akikilliliinerit annertuut
MB datanik aallernermi aki siullermik 43,75 kr.-it qaangerlugit akeqaraluartoq 3,35 kr.-imut appassaaq. Attaveqaatinik sullissisoq apeqqutaalluni maannamut akigititaasoq assigiinngittarsimaqaaq.

Siunissami sianernermut aki assersuutigalugu Danmarkimiit Kalaallit Nunaannut 1,79 kr.-eqalissaaq, siusinnerusukkut 8 kr.-it missaanik akeqarsimagaluarluni, SMS-imullu aki 2,50 kr. missaaniit, 60 øriinnarmik akeqalissalluni.

Danmarkimiitilluni siusinnerusukkut sianerfigitinneq minutsimut 2,89 kr.-eqarsimagaluarluni, 52 øre-qalissaaq.

- Akinik appaanissaq atuisutta, TELE-POST-illu sivisuumik assut kissaatigisimavaat, taamaammallu nuannaarutigeqaarput akikinnerusumik atuisoqarsinnaalissammat, assersuutigalugumi qallunaanut Sverigimut angalasunut akit assigusut atuutilersinnaalissavagut, teledirektør Anders Barslund oqarpoq.

Danmarkimi attaveqaatinik sullissisunut tamanut roaming-imut nutaamik isumaqatigiissuteqarsimavugut. Sverigemi isumaqatigiissuteqarfigineqarsimapput Telia aamma Telenor kiisalu Norgemi Telenor aamma Netcom. Finland-imi Telia Sonera, Estland-imi EMT, Letland-imi LMT, Litauen-imilu Omnitel isumaqatigiissuteqarfigalugit.

Tassalu taakkuupput atuisutta akit nutaat appasissut aalajangersimasullu iluaqutigerusukkunikkit atugassaat.

 

Annertunerusumik paasisaqarusuttut:


Anders Barslund
Tele-mi pisortaq
+299 34 12 55
aba@telepost.gl

Sæunn L. Nolsøe
Attaveqatigiinnermut pisortaq
+299 34 11 50
sunn@telepost.gl