Menu

TELE-POST-ip ukiup ingerlanerani frimærkit nutaat 24-it saqqummersissavai

24/01/2020 - 15:37

Frimærkit nunatsinneersut nunatta kulturianut, pinngortitaanut, oqa-luttuassartaanullu takussutissaapput tulluusimaarnartut. Frimærki siullerpaaq 1938-mi saqqummermalli taamaattuarsimapput. Aajukulu ukiup ingerlanerani frimærkinut saqqummertussanut qulequtaritinne-qartut ilamininngui.

Kalaallit Nunaanni avatangiisit

Avatangiiserput nunarsuarmi tamarmi soqutigineqaraluttuinnarpoq. 2017-imi TELE-POST-ip frimærkit nangeqattaartut avatangiisimik uagut isitsin-nik isiginnittut saqqummersittalerpai. Sissi Møllerip frimærkini nangeqattaar-tuni kingulliit marluk suliarai. Taakku 28. februar saqqummissapput.

Ataqqinartorsuaq Dronningi 80-iliivoq

Dronningitta akunnaattuliilluni inuuissiornissaa frimærkimik kusanartumik Aka Høeghip suliaanik malunnartissavarput. Taanna Dronningip inuuiani 16. april saqqummissaaq.

Kalaallit filmiliaat

Kalaallit filmiliaat ukiorpassuarni nunarsuarmi isiginnaartartunit nuannarine-qartarput. Nangeqattaartuni nutaani, filmit suli isiginnaassallugit soqutiginar-luartut marluk, frimærkini marlunni assiliartaassapput. Taakku 6. november saqqummissapput.

Juullimut frimærkit nutaaliat

2018-imi juullimut frimærkit TELE-POST-imeersut orpiliassarsunnillutillu kaagisunnipput. 2019-imi immikkut qaamaneqalersartunik naqitaapput. 2020-mi juullimut frimærkissat immikkut ittuutinniarneqarput. Taakku 6. november saqqummissapput.

Frimærkit Kalaallit Nunaanneersut aamma 2020-mi saqqummertussat nittartakkatsinni paasisaqarfigisinnaavatit uani www.stamps.gl.

Annertunerusumik paasisaqarusuttut attavigisinnaavaat frimærkinut pisortaq Allan Pertti Frandsen, apf@telepost.gl, tlf. +45 61 39 30 65.