Menu

TELE-POST mobilinik atuinermut akit 11 mio. kr.-inik apparpai

02/11/2015 - 09:45

Mobiltelefoneqarnermut akit TELE-POST-ip aammaarluni appartippai, mobilpakket imai annertusillugit sukkassutsillu sukkanerulersillugit. 

TELE-POST-ip mobiltelefonit atorlugit oqaluussinerit paasissutissanullu atuinerit akii tamaasa 11 mio. kr.-inik appaavigai. Mobil Mikisoq aamma Tusass akikilliliiffigineqar­ner­­paapputt.

TELE-POST-ip mobilpakket imai aammattaaq annertusivai, taamaalilluni Mobil Mikisup qaammammut 75 megabytenik ilaneqarnera, aammalu Mobil Akulliup aamma Angisuup imaasa marloriaatinngortinnerat nutaarsiassaapput.

TELE-POST-ip tamanna iluatsillugu mobildatanut aamma mobilt bredbåndimut sukkassutsit sumiiffinni periarfissaqarfiusuni tamani qaffatsinniarlugit aalajangerpaa. Sumiiffinni amerlasuuni mobilit attaveqaataat tamakkiisumik atorneqareerpoq, illoqarfinnili 3G-mik aamma 4G-mik atuiffiusuni sukkassusissaq ullumikkut killilerneqarsimavoq.

Pisortaaneq Søren Lennert Mortensen ima oqarpoq: - Mobilinut nioqqutitsinni akinik appartitsineq mobiltelefoneqarnermik atuinerup qaffakkiartuinnarnerata kinguneraa. Akinik appaartitsinerit innuttaasut sullitagut aammalu inuussutissarsiummik inger¬latallit sullitagut iluaqusertussaavaat. Mobilinut nioqqutigut aammattaaq sukka-nerulersittussaavagut, sullitagut suli pitsaanerusumik atugassaqartinneqalissallutik uagullu attaveqaatitsinnik atorluaanerulissalluta.

Nalunaarasuartaateqarnermi aqutsisut akit nutaat akueraat, sapaammi 1. novemberip 2015. Sukkassutsit nutaat ullumi atuutsinneqalissapput, tassalu ataasinngornermi ulloq 2. november 2015.

TELE-POST mobiltelefoneqarnermut akinik kingullermik appartitsivoq2014-imi aprilimi. Taamani aningaasat katillutik appaassutaasut 10 mio. kr.-iupput.

Ilanngussami maanga ilanngunneqartumi iliuuserineqartut nutaat allattorsimanerat takuneqarsinnaapput.

Akit sukkassutsillu nutaat pillugit ilanngussami imaluunniit tele.gl-imi annertuneru¬sunik atuarit. Allanik paasisaqarumaguit pisortaaneq Søren Lennert Mortensen mobil +299 38 61 00-imut sianerfigisinnaavat imaluunniit slm@telepost.gl-imut allaffigisin¬naallugu aamma/ imaluunniit attaveqaqatigiinnermut pisortaq Ivalo Egede mobil +299 53 07 56-imut imaluunniit ivalo@telepost.gl-imut attavigisinnaavat.

Ilanngussaq. Iliuuserineqartut nutaat pillugit takussutissat

 

1. Mobildatat annertunerit

 1. Nov. sioqqullugu imarisatImarisat 1. Nov. kingorna
Mobil Mikisoq0 MB75 MB
Mobil Akulleq 500 MB1.000 MB
Mobil Angisooq1.000 MB2.000 MB

Takussutissaq 1. Mobilpakkeni qaammammut maannakkut imarisat imarineqalersussallu



2. Mobildatanut sianernermullu akit appasinnerit

 1. Nov. sioqqullugu1. Nov. kingorna
Tusass1,00 kr.0,80 kr.

Tusass oqaluuss. Minutsimut

1,23 kr.1,20 kr.
Mobil Mikisoq1.00 kr.0,75 kr.

Takussutissaq 2. Tusassimi aamma Mobil Mikisumi megabytemut ataatsimut ullumikkut aki aammalu akiulersussaq
 

3. Saniatigut pisianut akit

MB-nut saniatigut pisianut akit1. Nov. sioqqullugu1. Nov. kingorna
Mobil Akulleq0,60 kr.0,55 kr.
Mobil Angisooq0,60 kr.0,50 kr.

Takussutissaq 3. Mobil Akullermut aamma Mobil Angisuumut megabytenik saniatigut pisinermi maannakkut aki aammalu akiulersussaq
 

4. Mobilit sukkanerit

 2. Nov. siorna sukkassuseqSukkassuseq 2. Nov. kingorna
4GAallernermi 10 mbit angull. Nassiussinermi 2 mbit angull.Aallernermi 10 - 30 mbit Nassiussinermi 10 - 20 mbit
3GAallernermi 8 mbit angull. Nassiussinermi 2 mbit angull. Aallernermi 2 - 14 mbit Nassiussinermi 1 - 2 mbit

Takussutissaq 4. 4 G-mi 3G-milu aallernernut nassiussinernullu maannakkut sukkassuseq aammalu sukkassusiulersussaq.