Menu

TELE-POST modemit pillugit paasissutissiivoq

21/09/2020 - 14:01

Sullitatta modeminik ajornartorsiuteqarsinnaanerat TELE-POST-imi eqqumaffigaarput sullitattalu ajornartorsiutaat aaqqinniarlugit suna tamaat angullugu piaarnerpaamik suliniartarluta.

Modeminik nutaanik amigaateqarnermik pisoq

TELE-POST modeminik immikkut ittumik ajornartorsiuteqarneq amigaateqarnerlu pillugit sullitaminut paasissutissiivoq modemit nutaat qanittumi tikittussat COVID-19 peqqutigalugu kinguaattoormata. Modemit piaarnerpaamik tikisinissaat pillugu TELE-POST immikkut illuinnartumik iliuuseqarpoq, pisumilu uani naammagittarnersi paasinninnersilu pillugit qutsavigaatsigit.

Modemit allat saniatigut

TELE-POST-ip sullitani angerlarsimaffimminni modemimik saniatigut allamik atunngisaminnik modemiutillit qinnuigissavai modemitik kingusinnerpaamik ulloq 30. septembari TELE-POST Centerimut qaninnerpaamut utertitseqqullugit. Amerlanerit utertitsinissaannik kajumissaarniarlugit TELE-POST unammisitsivoq, illillu Samsung Galaxy S20-p makitsissutigineqarneranut peqataasinnaavutit.  

Nammineq qanoq iliorsinnaavit

Modemivit attavia ajornartorsiutigigukku, LAN-imut attavik LAN kabeli atorlugu qarasaasiamut toqqaannartumik misilillugu attavilersinnaavat. Modemit nutaanngilisimaguni imaassinnaavoq “Wifi-mut” attaveqarsinnaanngitsoq, naak modemiit internetimut attavia atorsinnaagaluartoq. Taamaattumik modem Wifikkut attaveqarsinnaanngippat LAN kabeli atorneqarsinnaavat.

Atuisunik Sullissivik attavigiuk

Illit sullitalluunniit allanik apeqqutissaqarussi imaluunniit ikiortariaqarussi, Atuisunik Sullissivimmut saaffiginnissinnaavunga uunga sianerlusi: 808080.

Sullitat qinnuigissavagut WIFI-kkut attaveqarnerlutik imaluunniit attaveerunneq pissutigalugu mobildatamik atuinerlutik maluginiaqqullugu. Angerlarsimatilluni taamaaliortoqarsinnaavoq mobildatap attaveerutsinneratigut. TELE-POST mobildatamik atuinerunermut utertitsisanngilaq.