Menu

TELE-POST: Nanortalik nunaqarfittaalu atassutaarupput

04/02/2020 - 17:15

TELE-POST-ip nalunaarutigaa Nanortallup eqqaani sakkortusaaveqarfimmi teknikkip ajoquteqalersimanera peqqutigalugu Nanortalimmi nunaqarfittaanilu, tassa Tasiusami, Narsarmijini, Aappilattumi Ikerassassuarmilu attaveqaatit attassutaarukkallartut. Nunatta kujataani ulluni makkunani assut silarlummat TELE-POST-ip teknikerii sakkortusaavimmut anngussinnaanngikkallarput.

Atassuteqaatit aaqqeqqinniassammata sapinngisarput tamaat maanna sulivugut, silali tassa naalagaavoq. Qanoq pisoqarneranik nittartakkatsigut, tusagassiuutitigut SMS-kkullu ataavartumik tusarliussaqartarumaarpugut.

Paasisaqarnerorusukkuit apeqqutissaqaruilluunniit attaveqaqatigiinnermut pisortaq Julie Radermacher attavigiuk, email: julie@telepost.gl, mobil +299 263535.